Lam’akinde la nkɛtɛ, Yeso akɛnya ngandji k’efula kakandookaka anto, djekoleko ase wola ndo wanɛ waki lo paa. (Mateo 9:36) Nde akakimɔ lɔsɛnɔ lande lo wahɔ w’anto akina. (Mateo 20:28; Joani 15:13) Keem’edja, nde ayanga mɛnya nto ngandji kokande anto lo nkamba la lowandji ndo la wolo ande oko wende Nkumekanga ka Diolelo dia Nzambi dia minya wola lo nkɛtɛ k’otondo.

 Lo nkamba l’ɛtɛkɛta wa lɔlɛnga, Bible mɛnyaka kɛnɛ kayosala Yeso lo mbuta ɔnɛ:

•   “Nde aswɛlɛ tombolambola l’atei w’anto, nde ashimbee ana w’ose wola.”—Osambo 72:4.

 Ngande wakokaso mɛnya lowando lo kɛnɛ tshɛ kambotosalɛ Yeso ndo kayondotosalɛ? Lo ɛtɛkɛta wele lo Luka 22:19, Yeso akatɛ ambeki ande dia mbohɔka nyɔi kande. Diakɔ diele, ɔnɔnyi tshɛ lo datɛ diakandavu, Ɛmɛnyi wa Jehowa sanganaka kaamɛ. Tambokelɛ dia ndjosangana laso lo Eohwelo ka nyɔi ka Yeso kayosalema Lushi la lomingu, Ngɔndɔ ka sato 24, 2024.

Tana dihole diayosalema Eohwelo