Mbala efula anto hawoyɔlɛmiyana lam’asawɔ, diakɔ diele etena kɛnawɔ onto lele la dilɛmiɛlɔ, vɔ mambaka.

Anto efula hawoyoleka nɛmiya ambutshi awɔ, epalanga, apulushi, ewandji w’elimu ndo embetsha. Ndo nto, anto wamboleka mbidja waa kɔmatɛrɛ l’Ɛtɛrnɛtɛ yɛnya dia vɔ hawɔlɛmiya anto akina! Lo ndjela sawo dimɔtshi (Harvard Business Review), anto efula waya bu la “dilɛmiɛlɔ.” Sawo diakɔ kotshaka di’anto “wekɔ lo mbuta dia dilɛmiɛlɔ diekɔ lo taleke nshishɔ.”