Lande na kaya anto bu la dilɛmiɛlɔ le wɔ vɔamɛ?
LANDE NA KELE EKƆ OHOMBA NDJALƐMIYA?
Anto wayaɔsa la nɛmɔ koka ndɔshana l’ekakatanu wa lo lɔsɛnɔ l’eshikikelo tshɛ. Vɔ hawohekɔ esadi.
-
Eyangelo mɛnyaka di’anto wahayaɔsɛ la nɛmɔ ndekaka monga l’ekiyanu, ɔkɔmwɛlɔ ndo hawole dimɛna. Vɔ ndekaka nnɔ wanu efula ndo didjoyadjoya.
-
Anto wayaɔsa la nɛmɔ mbewɔka ndjaɛdika l’anto wowadingi ndo mbɔtɔka la wɔ lɔngɛnyi la ma ma. Lo wedi okina, wanɛ wahaleke ndjaɔsa la nɛmɔ tɛkɛtaka kɔlɔ lo dikambo di’anto akina ndo dui sɔ koka ndanya diɔtɔnaganelo diele lam’asawɔ.
-
Kaanga etena kahomanawɔ l’ekakatanu, anto wayaɔsa la nɛmɔ tshikalaka nge; vɔ hawetawɔ di’ekakatanu mbatshindjatshindja dia nkotsha eyango awɔ. Mbala efula, wanɛ wahaleke ndjaɔsa la nɛmɔ konyaka okakatanu wa tshitshɛ okakatanu wa woke. Dui sɔ koka mbakonya dia mpekɔ esadi eto.
KƐNƐ KOKAYƐ NSALA
Sɔna angɛnyi wayokokeketsha. Ɔtɔ l’ɔngɛnyi l’anto wele la dilɛmiɛlɔ di’efula, wayakiyanya mɛtɛ dikambo dia wahɔ ayɛ ndo wayokokeketsha.
Kimanyiya anto akina. Naka wɛ monga ɔlɔlɔ ndo salɛka anto akina akambo oyadi wanɛ wahakoke kosalɛ woho akɔ waamɛ, kete wɛ ayonga l’ɔngɛnɔngɛnɔ wa mɛtɛ waya lo mbisha. Wɛ ayonga l’ɔngɛnɔngɛnɔ oyadi kaanga anto hawɛnyi kɛnɛ kakayasadi.
Kimanyiya anayɛ dia ndjaɔsa la nɛmɔ. Yoho mɔtshi ya nsala dui sɔ ele, mbatshika dia vɔ nkandola ekakatanu awɔ lo yɛdikɔ yɛdimi l’akoka awɔ. Dui sɔ kimanyiyaka ana dia mbeka woho wa nkandola ekakatanu. Etena kasalawɔ dui sɔ, vɔ wayoleka ndjaɔsa la nɛmɔ l’etena kɛnɛ ndo lam’ayowola.
KƐNƐ KASALASO
Nsanganya ndo ekongelo k’Ɛmɛnyi wa Jehowa ka mbeka l’anto Bible mbakimanyiyaka dia ndowanya nsɛnɔ yawɔ ndo ndjaɔsa la nɛmɔ.
NSANGANYA YASO YA LOMINGU LA LOMINGU
Lo nsanganya yaso ya lomingu la lomingu, sho pokamɛka asawo w’oma lo Bible wɛnya toho ta ndjaɔsa la nɛmɔ. Nsanganya yaso yekɔ ofele ndo onto tshɛ koka mbɔtɔ. Ɛnyɛlɔ, lo nsanganya yaso wɛ ayeka . . .
-
lande na kele Nzambi kɔsaka la nɛmɔ
-
woho wakokayɛ monga l’oyango w’oshika lo lɔsɛnɔ
-
woho wakokayɛ monga la lɔngɛnyi la ma ma ndo la ntshikala edja
Wɛ ayotonga kaamɛ l’angɛnyi wa mɛtɛ ‘wakimanyiyana lam’asawɔ.’—1 Kɔrɛtɔ 12:25, 26.
Dia mbeya awui akina wendana la nsanganya yaso, yanga vidɛo ya mondo yele l’ɔtɛ a dui ɔnɛ: Kakɔna kasalema lo Mbalasa ka Diolelo? lo jw.org
WEKELO ASO WA BIBLE
Sho mbekaka l’anto Bible ofele lo nkamba la dibuku Ngɛnangɛnaka la lɔsɛnɔ pondjo pondjo! Dibuku dia wekelo nɛ diekɔ l’avɛsa w’ohomba, diɔ kambaka la yoho ya nkana l’anto yimba yokɛma hwe, l’ambola w’eshika, la tovidɛo temula nsaki ndo l’esato w’amɛna. Wekelo aso wa Bible kimanyiyaka anto dia ndjaɔsa la nɛmɔ ndo ndowanyaka nsɛnɔ yawɔ.
Dia mɛna woho wakokayɛ nkondja wahɔ lo mbeka Bible l’Ɛmɛnyi wa Jehowa, yanga vidɛo ya mondo yele l’ɔtɛ a dui ɔnɛ: Pourquoi étudier la Bible? lo jw.org
Enda ndo lo...
AWUI WENDANA LA SO
Lɔmba dia onto ɔmɔtshi ndjokenda
Nyɔkɛtshanya dimbola dimɔtshi di’oma lo Bible, kana nyɔkɛtshanya awui efula wendana la Ɛmɛnyi wa Jehowa.
AWUI WENDANA LA SO
Ɔtɔ lo losanganya lɔmɔtshi
Eya awui wendana la nsanganya yaso. Tana dihole dimɔtshi diɔtɔwɔ nsanganya diosukanyi layɛ.
