Lande na kaya anto bu la dilɛmiɛlɔ lo nkumbo?

MPOKAMƐ LO

LANDE KELE DILƐMIƐLƆ DIEKƆ OHOMBA LO NKUMBO?

Ase nkumbo sɛnaka lo wɔladi etena kalɛmiyanawɔ lam’asawɔ.

Dibuku Les couples heureux ont leurs secrets mbutaka ɔnɛ: Naka atshukanyi nɛmiyanaka lam’asawɔ, kete vɔ wayɛnyanyaka ngandji kokanawɔ lushi la lushi “aha tsho l’awui wa weke, koko ndo lo towuiwui tatotshitshɛ.”
Eyangelo mɛnyaka di’ana walɛmiya anto akina ndjaokaka dimɛna, mongaka la diɔtɔnganelo dia dimɛna l’ambutshi awɔ ndo vɔ hawoleke tata hemɔ ya lo yimba.

KƐNƐ KAKOKAYƐ NSALA

Sala ekongelo kaamɛ l’ase nkumbo kayɛ. Dui dia ntondo, yashikikɛ di’ose nkumbo tshɛ ekɔ lo nshihodia kɛnɛ kalembetshiya monga la “dilɛmiɛlɔ.” Dui dia hende, mfunda kɛnɛ kalangayɛ di’ase nkumbo kayɛ nsala ndo kɛnɛ kahawahombe nsala. Dui dia sato, kɛtshanya kaamɛ l’ase nkumbo kayɛ ekongelo kamboyosala dia onto tshɛ mbeya kɛnɛ kakokande nsala dia monga la dilɛmiɛlɔ.

“Asangwelo wa kanga etete konyaka mɛtɛ lo otondoyelo.”—Tokedi 21:5.

Sha ɛnyɛlɔ. Onde wɛ mɔnyɔlaka ase nkumbo kayɛ l’ɔtɛ wa wandja awɔ, mbaɔlaka l’ɔtɛ wa tokanyi tawɔ kana mbanyaka yimba ndo mbahembolaka ɔtɛkɛta etena kasawolanyu?

Dako: Lɛmiya olonganyi ndo anayɛ, oyadi wɛ fɔnyaka dia vɔ sunganaka nɛmiyama kana bu.

“Lo kɛnɛ kendana la nɛmiyana, nyosha ɛnyɛlɔ.”—Rɔmɔ 12:10.

Onga la dilɛmiɛlɔ di’efula kaanga etena kahayetawɔ kɛnɛ kata onto okina. Etena katɛkɛtayɛ, ewɔ nkamba la tɔtɛkɛta tele oko, “wɛ lushi tshɛ” kana “ndooko lushi lakayasale. . . . ” Tɔtɛkɛta ta kɔlɔ tɔsɔ tayohumuya ndo tayonyangiya ase nkumbo kayɛ ndo dui sɔ koka mfudia owanu.

“Okadimwelo wa la memakana tutshaka nkɛlɛ, koko tshɛkɛta ya kɔlɔ mbidiyaka nkɛlɛ.”—Tokedi 15:1.

KƐNƐ KASALASO

Ɛmɛnyi wa Jehowa keketshaka ase nkumbo dia salanɛ akambo la dilɛmiɛlɔ ndo sho tɛkɛtaka mbala efula dia dikambo sɔ l’asawo, abuku, tobukubuku ndo tovidɛo tatondjaso takoka onto telesharjɛ ofele.

LE ATSHUKANYI: Seri k’asawo kele l’ɔtɛ a dui ɔnɛ: Ekimanyielo le nkumbo koka kimanyiya waomi ndo waa wadi dia . . .

monga anto wahokamɛ dimɛna
aha ntshika tɛkɛtshanya
ntshika ewanu

(Yanga etenyi kele l’ɔtɛ a dui ɔnɛ: “Ekimanyielo le nkumbo” lo jw.org)

LE AMBUTSHI: Seri k’asawo kele l’ɔtɛ a dui ɔnɛ: Ekimanyielo le nkumbo koka kimanyiya ambutshi dia mbetsha anawɔ dia . . .

monga l’okitanyiya
nkimanyiya l’elimu wa langelo
mbuta ɔnɛ “lam’alangayɛ” ndo “losaka”

(Yanga etenyi kele l’ɔtɛ a dui ɔnɛ: “Wodielo w’ana” ndo “wodielo w’ana waya l’ɛnɔnyi dikumi l’ɛmɔtshi” lo jw.org)

Enda ndo apandisɛ wele l’ɔtɛ a dui ɔnɛ: “Les parents s’interrogent,” lo dibuku Les jeunes s’interrogent—Réponses pratiques, Volume 1. (Yanga etenyi kele l’ɔtɛ a dui ɔnɛ: “Les parents s’interrogent” lo jw.org)

LE ƐLƆNGƆLƆNGƆ: Etenyi kele l’ɔtɛ a dui ɔnɛ: Ana wa tomangase ndo ɛlɔngɔlɔngɔ l’esakaseka kele lo jw.org kekɔ l’asawo, tovidɛo ndo fishi ya mfunda awui wa nkana la wɔ yimba koka kimanyiya ɛlɔngɔlɔngɔ dia . . .

mbokana l’ambutshi awɔ
sawola la dilɛmiɛlɔ tshɛ l’ambutshi awɔ lo dikambo dia ɛlɛmbɛ wawadjɛwɔ
ambutshi awɔ ndjaɛkɛ le wɔ

(Yanga etenyi kele l’ɔtɛ a dui ɔnɛ: “Ana wa tomangase ndo ɛlɔngɔlɔngɔ l’esakaseka” lo jw.org)

Okambelo wa la sitɛ ka jw.org ekɔ ofele. Halɔmbama dia mfuta falanga, halɔmbama dia paka wɛ kongi Ɔmɛnyi wa Jehowa ndo ndooko awui wendana l’onto ndamɛ walɔmbama.

EMƆ!