WOHO WA NKONDJA EKIMANYIELO OMA L’EKIYANU ASO
Onde wɛ ekɔ l’ekiyanu?
“Onto tshɛ mongaka l’ekiyanu lo tena dimɔtshi, koko dimi lekɔ l’ekiyanu efula. Ekiyanu ɛsɔ hawoye l’ɔtɛ wokakatanu ɔtɔi oto wa woke, koko l’ekakatanu efula walɔshana la mi ndo lo lokema l’ɛnɔnyi wɛnama oko hawotoshila wakokɛmi omɛmi lele la hemɔ ya lo demba ndo ya lo yimba.”—Jill. *
“Wadɛmi akatshike ndo lakahombe mbodia ana ahende dimɛ. Mongaka dui dia wolo dia ombutshi ɔtɔi mbodia ana ndamɛ. Laadiko a laasɔ, lakashisha olimu ami ndo dimi komonga l’akoka wa nɔngɔsɔla mutuka ami. Dimi kombeyaka woho wa nkandola akambo. Lakamɛnama l’ekiyanu. Lakeyaka dia aki kɔlɔ efula dimi ndjaadiaka, ko lakalɔmbɛ Nzambi dia dimi mvɔ.”—Barry.
L’ɛnyɛlɔ ka Jill la Barry, onde wɛ toyaokaka tena dimɔtshi di’oko onto lambɔmɛnama l’ekiyanu? Naka ngasɔ, kete asawo wayela anɛ wayokokeketsha ndo wayokokimanyiya. Vɔ wayɛnya awui wakonya di’onto monga l’ekiyanu, woho wakokawɔ monga la shɛngiya le so ndo wayotɛnya kɛnɛ kakokaso nsala etena keso l’ekiyanu.
^ od. 3 Nkombo yakatshikitanyema.
Enda ndo lo...
TSHOTO Y'ETANGELO
Ekiyanu wekɔ ahole tshɛ
Wekelo ɛmɔtshi mɛnyaka dia kaanga ekiyanu wa totshitshɛ konyaka onto lo nyɔi k’osondjo. Ngande wakokayɛ ntondoya?
