EMƆ! No. 2 2020 | Lande na kasowaso? Ekadimwelo
Lo tena dimɔtshi, onto tshɛ pomanaka la mpokoso, mbeyaka monga hemɔ, aksida, mpokoso k’oma lo diangɔ diakatongama kana awui wa ngala.
Anto efula nyangaka ekadimwelo.
Amɔtshi mbutaka di’asui ekɔ tsho dui dimɔtshi diele la wolo wa laadiko diakatatami dia diayotokomɛ kana vɔ mbutaka dia ndooko kakokaso nsala dia mbewɔ dui diakɔ.
Akina mbutaka dia sho sowaka l’ɔtɛ wakatasale dui dimɔtshi dia kɔlɔ lo nshi y’edjedja lo lɔsɛnɔ laso.
Mpokoso ya ntomba tshikaka mbala efula anto la ambola efula wahawatane ekadimwelo.
Kɛnɛ ketawɔ anto amɔtshi
Ɛdika woho wɔsa ɛtɛmwɛlɔ wotshikitanyi ɛkɔkɔ wasowaso.
1 Onde Nzambi mbele lo kiɔkɔ y’asui aso?
Anto wambokesama oma lo wetshelo wamamatanyɛwɔ Nzambi onongo. Kakɔna kele mɛtɛ?
2 Onde shoamɛ mbele lo kiɔkɔ y’asui aso?
Naka ekadimwelo wekɔ ɔnɛ eelo, kete laasɔ sho koka monga la wolo wa kitshakitsha asui wele laso.
3 Lande na kasowa anto w’ɛlɔlɔ?
Bible tokimanyiyaka dia mbeya ekadimwelo.
4 Onde takatongama dia ndjosowaka?
Onde Nzambi ɔnɛ lakatonge andja w’olangala, akatotonge dia sho ndjosowaka? Naka keema, ko kakɔna kakatombe?
5 Onde asui wayoshila lushi lɔmɔtshi?
Bible totɛka hwe woho wayoshidiya Nzambi asui.
Ekimayielo kekɔ
Kaanga ekakatanu wele laso wɛnama oko hawokoke nkandɔma, ɛlɔmbwɛlɔ kekɔ kakoka kokimanyiya.
