Yeso mbele Nkumekanga ka Diolelo diaki Nzambi.

Luka 1:31-33: “Wɛ ayotshɔ diemi, ayota ɔna pami, kowɔlɛ ɔnɛ Yeso. Nde ayoyala woke, wayowelɛ vate Ɔna aki Ɔnɛ-Laheme-Tshɛ ndo Jehowa Nzambi ayowosha kiti ka lowandji ka Davidɛ she, ko nde ayonga Nkumekanga lo luudu la Jakɔbɔ pondjo pondjo ndo Diolelo diande hadiotonga l’ekomelo.”

Diolelo mbaki ɔtɛ a dui w’esambishelo ka Yeso.

Mateo 9:35: “Yeso akatakindolaka lo esomba tshɛ ndo lo tongelongelo tshɛ atetsha lo toshinangɔnga tawɔ, atasambisha lokumu l’ɔlɔlɔ la Diolelo ndo atakɔnɔla weho tshɛ wa hemɔ ndo weho tshɛ wa dikɔmɔ.”

Yeso akasha ambeki ande djembetelo dia mbakimanyiya dia mbeya ɔnɛ Diolelo diaya suke la ndja.

Mateo 24:7: “Nɛ dia wodja wayɔlɔsha wodja okina ndo diolelo diayɔlɔsha diolelo dikina, ndjala ya kasha l’adidimu wa nkɛtɛ wayonga lo dihole la dihole.”

L’etena kɛnɛ, ambeki wa Yeso wekɔ lo nsambisha akambo wendana la Diolelo l’andja w’otondo.

Mateo 24:14: “Ndo lokumu l’ɔlɔlɔ lɔnɛ la Diolelo layosambishama lo nkɛtɛ k’otondo oko ɔmɛnyi le anto wa lo wedja tshɛ, ko oma laasɔ ekomelo kayoya.”