“Diolelo diayɛ diaye”—Dɔmbɛlɔ dialeka miliyɔ y’anto nɔmba
Onde wɛ atalɔmbaka dia Diolelo diaki Nzambi ndja? Aya ndekana ɛnɔnyi efula wokɔlɔmbaka miliyɔ y’anto mbala la mbala ɛtɛkɛta w’ɔnɛ: “Diolelo diayɛ diaye.” Lande na kokowotaka ɛtɛkɛta ɛsɔ mbala la mbala? Nɛ dia Yeso akatɛ ambeki ande dia vɔ nɔmbaka dia Diolelo diaki Nzambi ndja.
L’etatelo, ambeki waki Yeso koshihodia kiambokambo tshɛ yakandate yendana la Diolelo. Mbala kɛmɔtshi vɔ wakawombola ɔnɛ: “Nkumadiɔndjɔ, onde wɛ ayanga mbololɛ Isariyɛlɛ diolelo l’etena kɛnɛ?” Ondo vɔ wakahombe mamba etena kaki Yeso kombasha djembetelo shikaa yɛnya etena kakahombe Diolelo diaki Nzambi ndja. (Etsha 1:6, 7) Ko onde kɛsɔ nembetshiyaka dia hatokoke mbeya kɛnɛ kalembetshiya Diolelo diaki Nzambi ndo etena kayodioya? Ndooko!
Numɛlɔ ka Tshoto y’Etangelo nyɛ yayokokimanyiya dia ntana ekadimwelo lo ambola wayela anɛ:
Lande na keso l’ohomba wa Diolelo diaki Nzambi?
Ele Nkumekanga ka Diolelo diaki Nzambi?
Etena kakɔna kayolɛ Diolelo diaki Nzambi la nkɛtɛ?
Kakɔna kayosala Diolelo diaki Nzambi?
Lande na kahombaso nsɔna dia nsukɛ Diolelo diaki Nzambi l’etena kɛnɛ?
Diolelo diaki Nzambi kɛdikɛdi na?
Enda ndo lo...
TSHOTO Y'ETANGELO
Lande na kahombaso nɔmba dia Diolelo dia Nzambi ndja?
Kakɔna kayosala Diolelo kahakoke lowandji l’ana w’anto nsala?
ESSENTIAL BIBLE TEACHINGS
Diolelo diaki Nzambi kɛdikɛdi na?
Lam’akandakambaka olimu ande lanɛ la nkɛtɛ, Yeso aketsha awui wendana la Diolelo diaki Nzambi oleki awui akina tshɛ. Aya ɛnɔnyi nkama walɔmba anto dia Diolelo sɔ ndja.
