Rosie mbutaka ate: “Lakayakiyanyaka efula dikambo dia akambo wakayoleka monga paa efula lo yimba yami otshikitanyi la woho wakiwɔ mɛtɛ.” Avɛsa akɔna wa lo Bible wakookimanyiya? Divɛsa dimɔtshi ekɔ Mateo 6:34, divɛsa diata ɔnɛ: “Ɔnkɔnɛ, tanyoyakiyanyake pondjo dikambo dia loyi, nɛ dia loyi ayonga la ekiyanu alɔ. Lushi la lushi lekɔ la ekakatanu alɔ.” Kakianɛ Rosie ota dia ɛtɛkɛta waki Yeso ɛsɔ wakookimanyiya dia nde ntshika ndjakiyanya dikambo dia kɛnɛ kakoka ntomba loyi. Nde kotshaka ate: “Lakikɔ la ekiyanu efula, aha mbidja wɛnɛ wakikokomɛmi ndo ondo totowonkomɛ.”

Yasmine nde la wɔ akamɛnama la ekiyanu. Nde mbutaka ate: “Lakalelaka nshi mɔtshi lo lomingu, ndo etsho ɛmɔ lakalalaka engondo. Lakoke dia tokanyi ta kɔlɔ takandɛka lasɛna.” Divɛsa diakɔna diakookimanyiya? Nde akakane yimba la 1 Petero 5:7, divɛsa diata ɔnɛ: “Nyokitsha ekiyanu anyu tshɛ le nde, nɛ dia [Nzambi] ndjakiyanyaka dikambo dianyu.” Yasmine mbutaka ate: “Oko wakatetaka nshi, lakatetemalaka nɔmba Jehowa ndo nde akankadimola alɔmbɛlɔ ami. Lakoke oko wotsho ɔmɔtshi wa woke wambomɔ oma lo ahɛka ami. Tokanyi ta kɔlɔ ndjɛkami mbala la mbala, koko kakianɛ leya woho wa dimi tikandola.”

Isabella lele osekaseka mbutaka ate: “Le mi otaloyelo w’akambo ekɔ dui dia lootɔ, nɛ dia papa ekɔ la  diɔ. Lakatshikaka nsala akambo woleki ohomba tshanana, paka dia nkɔkɔla demba kana menda televiziɔ. Ɔsɔ aki mbekelo ka kɔlɔ, nɛ dia tɔ fudiaka ekiyanu ndo konyaka onto diaha nde nsala olimu dimɛna.” Tɔndɔ diakookimanyiya ele nɛ diatanema lo 2 Timɔte 2:15, diata ɔnɛ: “Sala la wolo tshɛ dia mɛnama la ntondo ka Nzambi oko onto lambetawɔma, oko ose olimu waha la dikambo dia mbotshama nsɔnyi.” Isabella mbutaka ate: “Dimi kokombola dia Jehowa mbɔsa nsɔnyi oma l’olimu ami paka l’ɔtɛ wakamataloyaka akambo.” Isabella akatshikitana lo yɛdikɔ y’efula.

Kelsey nde la wɔ mbutaka ate: “Lakongaka la dui dimɔtshi dia nsala, koko lakatataloyaka dia ndjodisala paka lo minitɛ k’ekomelo. Lakalelaka, lakashishaka djɔ ndo lakayakiyanyaka. Dui sɔ komonga dimɛna le mi.” Kelsey akayotanaka ekimanyielo lo Tokedi 13:16, divɛsa diata ɔnɛ: “Kanga kɛsɔ salaka akambo la ewo, koko kanga enginya tondjaka enginya kande sɛkɛ.” Nde mbutaka wetshelo wakandakondja lo nkana yimba la divɛsa nɛ ɔnɛ: “Ekɔ dui dia lomba dia salaka ndo kongɛka akambo la ntondo. Kakianɛ, laya la kalupɛ yombami lo biro ami dia nsala ekongelo k’olimu wayomokamba otsha la ntondo, ndo dui sɔ diekɔ lo kimanyiyami dia ndjakongɛ koko aha dia ntshika akambo ko ndjosala paka lo minitɛ k’ekomelo.”

Kirsten mbutaka ate: “Omɛmi akatotshike dimi l’anami anɛi w’akɛnda.” Tɔndɔ diakɔna dia l’Afundelo diakookimanyiya? Tokedi 17:17 mbutaka ɔnɛ: “Ɔngɛnyi wa mɛtɛ mbokanaka ngandji tena tshɛ, ndo ekɔ ɔnanyɔ lakokayɛ mendɛ le nde lo tena dia paa.” Kirsten akakondja ekimanyielo oma le asekande atɛmɔdi waki Jehowa. Ekimanyielo kakɔna kakandakondja? Nde mbutaka ate: “Angɛnyi ami wakakimanyiyaka lo toho efula! Amɔtshi wakatshikɛka diangɔ dia ndɛ ndo alɛmbɔlɛmbɔ lo soko dia luudu lami. Mbala shato y’etondo ase etshumanelo amɔ wakakimanyiyaka dimi l’anami dia monɔ oma luudu lɔmɔtshi otsha lo lokina. Ɔmɔtshi akankimanyiya dia dimi ntana olimu. Angɛnyi ami waki wonya tshɛ lalemi.”

Delphine, lakatatɛkɛtshi diande lo sawo dietshi, ndo nde la wɔ akalɔshanaka la woho wakandayaokaka ompoko. Nde mbohɔka l’ɔkɔngɔ wa nde nshisha tshɛ ɔnɛ: “Lakɛnaka dia anto akina wakasɛnaka kaamɛ, koko dimi laki okalema ndo dimi komonga l’ɔngɛnɔngɛnɔ.” Divɛsa dimɔ diakookimanyiya ko Osambo 68:6, divɛsa diata ɔnɛ: “Nzambi mbishaka wanɛ wele ekalema ngelo ka mbidjasɛ.” Nde mbutaka ate: “Lakeyaka dia divɛsa nɛ konanga nembetshiya tsho luudu la mɛtɛ mɛtɛ lo eokelo ka nshi nyɛ. Koko, lakayoshihodiaka dia Nzambi ekɔ lo tosha luudu lɔmɔ la lo nyuma, dihole di’ekokelo ka mɛtɛ diatosha diaaso dia monga la diɔtɔnganelo dia dimɛna ndo monga kaamɛ lo tokanyi l’anto akina walanga Jehowa. Koko lakeyaka dia halakoke monga suke la anto akina naka ntondotondo hamongi suke la Jehowa. Ɔnkɔnɛ Osambo 37:4 wakankimanyiya la ɛtɛkɛta ɛnɛ: ‘Ngɛnangɛna lo yɛdikɔ y’efula le Jehowa, ko nde ayokokotshɛ nsaki y’otema ayɛ.’”

Nde komiyaka lo mbuta ɔnɛ: “Lakayoshihodiaka dia laki l’ohomba wa ndjasha la eshikikelo tshɛ le Jehowa. Nde mbele Ɔngɛnyi woleki tshɛ dimɛna. Oma laasɔ, lakayosala listɛ l’awui wakamakoke ngɛnangɛna kaamɛ la anto akina l’oyango wa dimi mbɔtɔ lɔngɛnyi la anto woka vɔ lawɔ Jehowa ngandji. Lakayekaka dia mbidja yimba lo awui w’amɛna wasala anto akina ndo minya yimba lo wɛɔdu awɔ.”

Eelo, angɛnyi wakambɛ Nzambi wekɔ paka anto wele keema kokele. Ɛmɛnyi wa Jehowa ndo vɔ la wɔ ndɔshanaka la ekakatanu oko wasala anto akina. Koko wetshelo wa lo Bible keketshaka anto dia vɔ nkimanyiya anto akina naka kokaka. Ekɔ dui dia lomba monga la angɛnyi wa ngasɔ. Ko, onde atɔndɔ wa lo Bible kokaka nto nkimanyiya dia ndɔshana l’ekakatanu wele hawokoke kandɔma nshi nyɛ wele oko hemɔ kahakɔnɔ kana ɔkɛyi?