Nzambi ekɔ ɔnɛ lahokamɛ. Bible toshikikɛka dia “Jehowa ekɔ suke la wanɛ tshɛ wawelɛ, wanɛ tshɛ wawelɛ lo mɛtɛ. . . . Nde mbokaka delo diawɔ dialɔmbawɔ ekimanyielo.”​—Osambo 145:18, 19.

Nzambi nangaka dia wɛ mbɔlɔmba. Bible tɔlɔmbaka dia: “Lo oseka dikambo tshɛ, tanyoyakiyanyake, koko nyote Nzambi ehomba anyu lo dɔmbɛlɔ la ɛsɛngɔsɛngɔ kaamɛ ndo la eokelo ka losaka.”​—Filipɛ 4:6.

Nzambi ndjakiyanyaka mɛtɛ lo dikambo diayɛ. Nzambi mboleki mbeya ekiyanu aso tshɛ ndo nde nangaka tokimanyiya. Bible mbuta ɔnɛ: “Nyokitsha ekiyanu anyu tshɛ le nde, nɛ dia nde ndjakiyanyaka dikambo dianyu.”​—1 Petero 5:7.