Kakɔna kata Bible?
Onde Nzambi ekɔ la lokombo?
ANTO AMƆTSHI MBUTAKA ɔnɛ nde bu la lokombo, akina mbutaka dia lokombo lande ele Nzambi kana Nkumadiɔndjɔ, ndo akina mbutaka dia nde ekɔ la nkombo akumi. Kakɔna kafɔnyayɛ?
KƐNƐ KATA BIBLE
‘Wɛ, lele lokombo layɛ Jehowa, wɛmɛ kele Ɔnɛ-Laheme-Tshɛ lo nkɛtɛ k’otondo.’—Osambu 83:18.
NAA AWUI AKINA WAKOKASO MBEKA OMA LO BIBLE?
Kaanga kele Nzambi ekɔ la nkombo yalɔtɛtɛmɔla efula, nde akayasha ndamɛ lokombo ɔtɔi.—Etumbelu 3:15.
Nzambi keema ehekesa, nde nangaka dia sho mbeeya.—Etsha 17:27.
Mbeya lokombo la Nzambi koka monga naa dia ntondo dia mbɔtɔ la nde lɔngɛnyi.—Jakɔba 4:8.
Onde ekɔ kɔlɔ nimola lokombo la Nzambi?
GANDE WAYOYOKADIMOLA?
Eelo
Keema
Nemanɛka la onto
KƐNƐ KATA BIBLE
‘Tokambake la lokombo la Jehowa Nzambi kayɛ lo yoho ya kɔlɔ.’ (Etumbelu 20:7) Yoho yaamɛ ya kɔlɔ yakokaso nkamba la lokombo la Nzambi ele naka sho nsala dui sɔ lo yoho yele bu la dilɛmiɛlɔ.—Jeremiya 29:9.
NAA AWUI AKINA WAKOKASO MBEKA OMA LO BIBLE?
Yeso akeyaka lokombo la Nzambi ndo akakambaka la lɔ.—Joani 17:25, 26.
Nzambi tɔlɔmbaka dia sho nkamba la lokombo lande—Osambu 105:1.
Atunyi waki Nzambi wekɔ lo nsala dia anto mbohɛ lokombo lande.—Jeremiya 23:27.
Enda ndo lo...
ESSENTIAL BIBLE TEACHINGS
Onde Nzambi ekɔ la lokombo?
Nzambi ekɔ la nkombo efula ya lɔtɛtɛmɔla, mbidja ndo Kanga-Wolo-Tshɛ, Otungi ndo Nkumadiɔndjɔ. Koko lokombo la hita laki Nzambi tanemaka mbala oko 7000 lo Bible.
EKADIMWELO LO AMBOLA W’OMA LO BIBLE
Nkombo ngana yela la Nzambi?
Anto mbeyaka mfɔnya dia l’atei wa nkombo ya Nzambi mbele ndo ‘Allah,’ ‘Alfa la Omega,’ ‘El Shaddai,’ ndo ‘Jehowa-Jire.’ Onde woho welɛso Nzambi ekɔ ohomba?
