Onde wɛ nangaka nkondja wetshelo efula oma lo wekelo ayɛ w’onto ndamɛ? Wɛ koka mpemba nkamba l’alako anɛ dia monga lo dihole dia dimɛna etena kekayɛ:

• Sɔna dihole dia dimɛna. Naka kokaka, tana dihole diokongɛmi ndo diasungana diele l’osase wayokokimanyiya dia mbadia dimɛna. Wɛ koka mbidjasɛ l’okala, la mɛsa kana wɛ koka nsɔna dihole dia dimɛna l’andja.

• Onga lo shɔpɔ. Yeso akasɔnɛ dia nɔmba la “hiotshihotshi” lo “dihole dia diɛta.” (Makɔ 1:35) Naka wɛ hakoke monga lo dihole dia shɔpɔ, wɛ koka mbewoya ase nkumbo kayɛ kana anto wadjasɛ la yɛ ekongelo kayɛ ka wekelo ndo mbalɔmba dia vɔ kotshikɛka etena.

• Dja yimba. Ewɔ awui wakoka kekola yimba. Naka wɛ ekɔ lo nkamba la telefɔnɛ kana la tablɛtɛ kayɛ dia mbeka, kete djatɔ l’adidimu diaha anto kofukutanya. Ndo naka wɛ ambokanyiya dui dimɔtshi diahombayɛ nsala, kete fundadiɔ dihole dimɔtshi dia wɛ ndjodisala l’ɔkɔngɔ. Naka wɛ hayokoka mbidja yimba, kete emadia yeema ndo kɛndakɛnda kana sala enanu.