Adia Etatelo 37:​23-28; 39:​17-23 dia nkondja wetshelo oma l’awui wele keema la losembwe wakahomana la Yɔsɛfu ndo woho wakandakikɛ.

Sɛdingola avɛsa wosukanyi. Kakɔna kakakonya anto akina dia salɛ Yɔsɛfu akambo aha la losembwe? (Eta. 37:​3-11; 39:​1, 6-10) Edja ka ngande kakakikɛ Yɔsɛfu awui wele keema la losembwe? (Eta. 37:2; 41:46) L’etena kɛsɔ, kakɔna kakasalɛ Jehowa Yɔsɛfu, ko kakɔna kaki Jehowa kombosalɛ?—Eta. 39:​2, 21; w23.01 17 od. 13.

Nyomotshimola. Bible hate ndooko dui diɛnya dia Yɔsɛfu akayaamɛ oma l’awui wa kashi wakomamatanyiyɛ wadaki Pɔtifara. Ngande wakoka avɛsa wayela anɛ tokimanyiya dia nkana yimba lo ɛkɔkɔ wakakonya Yɔsɛfu dia ntshikala ki kana lande na kahatalongamɛ dia kiambokambo tshɛ mbishɔma? (Tok. 20:2; Jni. 21:25; Ets. 21:37) Waonga akɔna wakakimanyiya Yɔsɛfu dia mbikikɛ awui wele keema la losembwe?—Mika 7:7; Luka 14:11; Jak. 1:​2, 3.

Wetshelo akɔna wakondjaso? Yambola wate:

• ‘Awui akɔna wele keema la losembwe wakokami nongamɛ oko wemi ombeki wa Yeso?’ (Luka 21:​12, 16, 17; Hɛb. 10:​33, 34)

• ‘Kakɔna kakokami nsala dia mbikikɛ awui wele keema la losembwe?’ (Os. 62:​7, 8; 105:​17-19; w19.07 2-7)