TSHOTO Y'ETANGELO—NUMƐLƆ KA WEKELO Ngɔndɔ ka ntondo 2018
Numɛlɔ kɛnɛ kekɔ ndo l’asawo wa wekelo wa Ngɔndɔ ka hende 26 polo Ngɔndɔ ka nɛi 1, 2018.
WAKAYAKIMƆ LA LOLANGO
Wakayakimɔ la lolango dia tokimanyiya—La Madagascar
Sawolaka l’ekambi ɛmɔtshi wakayakimɔ dia tosha lonya dia dianganya losango la Diolelo l’ɛtshi ka nkɛtɛ ka woke ka la Madagascar.
“Nde mbishaka wolo le ɔnɛ lambɔlɛmba”
Oko wambosukana ekomelo, sho koka nongamɛ dia ekakatanu wa lo lɔsɛnɔ wayoleka monga. Divɛsa dia l’ɔnɔnyi wa 2018 toholaka dia mendɛ le Jehowa dia nde tosha wolo.
Kaamɛ ka dimɛna ndo Eohwelo
Naa toho tɔmɔtshi takeketsha Eohwelo kaamɛ kaso k’ekambi wa Nzambi? Etena kakɔna kayosalema Eohwelo mbala k’ekomelo?
Lande na kahombaso mbisha Ɔnɛ lele l’ɛngɔ tshɛ?
Yoho mɔtshi yɛnyaso dia sho nangaka Nzambi ele lo mbosha. Ngande wakondjaso wahɔ lo nɛmiya Jehowa la diangɔ diaso dia nɛmɔ?
Ngandji kakɔna kasha ɔngɛnɔngɛnɔ wa mɛtɛ?
Ngande wotshikitanyi ngandji ka Nzambi la ngandji kɔtɛkɛtami lo 2 Timɔte 3:2-4? Ekadimwelo wa ambola asɔ koka tokimanyiya dia nkondja ɔngɛnɔngɛnɔ ndo ɔlɔ wa mɛtɛ.
Ɛna otshikitanu wele lam’asa anto
Otshikitanu akɔna wele lam’asa waonga wakɛnɛmɔla anto wa lo nshi y’ekomelo la waonga wele l’ekambi wa Nzambi?
Onde wɛ akeyaka?
Onde wakakambaka l’atɔndɔ wa lo Ɛlɛmbɛ wa Mɔsɛ dia mpembola enongo lo Isariyɛlɛ w’edjedja?
