Ondo oko wele efula ka l’atei aso, wɛ lawɔ mɛnaka dia ekɔ wolo mbohɔ kɛnɛ kekayɛ. Koko, ekɔ wɔdu mbohɔ awui efula waketshaka Yeso nɛ dia nde akakambaka tena efula la bɛnyɛlɔ. Wɛ koka nkanyiya dia bɛnyɛlɔ sɔ lo yimba ndo kɛsɔ ayokokimanyiyaka dia wɛ mbohɔ. Woho akɔ waamɛ mbele, wɛ koka mbohɔ awui efula wekayɛ lo nkanyiya kɛnɛ kadiayɛ. Ngande wakokayɛ nsala dui sɔ? Lo sangaka asango etena kekayɛ.

Anto wasanga asango wa awui w’eyoyo wekawɔ ndekaka mbohɔ dimɛna kɛnɛ kakaweki. Vɔ wakɛnyi dia yoho shɔ mbakimanyiyaka aha tsho dia nshihodia tɔtɛkɛta koko ndo dia nshihodia tokanyi ta kɛnɛ kadiawɔ. Asango awɔ bu wa kawotake koko wa wɔdu. Nsanga asango kimanyiyaka lo yoho ya laande esombe w’anto dia mbohɔ kɛnɛ kekawɔ.

Mbala kayaye kayoyeka, wɛ mbeyaka nkombola dia nsanga asango wa kɛnɛ kayoyeka. Wɛ mbeyaka mamba polo lo yɛdikɔ yayoyohɔka akambo akɔ!