Jehowa nangaka wanɛ “watɔ elowa la ekikelo”
“Ntɔngɔ yakakɔ lo nkɛtɛ y’amɛna ele anto . . . watɔ elowa la ekikelo.”—LUKA 8:15.
1, 2. a) Lande na katokeketsha anangɛso l’akadiyɛso watetemala nsambisha lo bɛtshi dia nkɛtɛ diele anto efula hawohokamɛ? (Enda osato wele lo mbɔtwɛlɔ.) b) Kakɔna kakate Yeso lo dikambo dia nsambisha lo “ngelo kande”? (Enda nɔtɛ ka l’ɛse ka dikatshi.)
SERGIO NDE LA OLINDA wekɔ wadi l’omi w’ambatshi mboka l’États-Unis. Vɔ akɔ ahende wekɔ l’ɛnɔnyi ndekana 80. Atete edja kayawɔ la paa l’ekolo ndo waya l’okakatanu dia nkɛndakɛnda. Koko, oko wokowosalaka l’edja k’ɛnɔnyi efula, vɔ wekɔ lo ntshɔ lo dihole diemala mituka l’osomba awɔ lo eshidi esambele wa pindju kokele. Vɔ mongaka suke la dihole diemala mituka ndo kahɛka anto weteta ekanda aso. Anto efula hawowadje yimba, koko Sergio nde la Olinda memalaka lo dihole diawɔ ndo mɔnɛmɔnɛka wanɛ wawaenda. La midi, vɔ kɛndakɛndaka ɔkɔkɛ ɔkɔkɛ otsha la ngelo. La wedi a pindju, l’eshidi esambele kokele, vɔ ndjaka lo dihole diemala mituka. Vɔ sambishaka pindju shamalo lo lomingu, ɔnɔnyi w’otondo.
2 L’ɛnyɛlɔ ka Sergio la Olinda, ekɔ anangɛso ndo akadiyɛso efula wa kɔlamelo wasambisha lo bɛtshi dia nkɛtɛ dia lo ngelo yawɔ * Ɛnyɛlɔ kayɛ kekɔ lo nkeketsha anangɛso l’akadiyɛso efula, mbidja ndo wanɛ wele la diewo l’edja k’ɛnɔnyi. Tolembete kɛnɛ kakate emendji w’etshimbedi; ɔmɔtshi akate ate: “Etena kasambishami la anangɛso ndo akadiyɛso asɔ, ɛnyɛlɔ kawɔ keketshakami.” Okina akate ate: “Mbetawɔ kawɔ keketshakami dia ntetemala ndo monga la dihonga l’olimu ami w’esambishelo.” Ndo okina akate ate: “Bɛnyɛlɔ diawɔ salanganyaka otema ami.”
ɛnɔnyi efula, kaanga mbele anto efula hawohokamɛ. Ondo wɛ la wɔ ekɔ lo nsambisha l’ɛtshi ka nkɛtɛ ka ngasɔ. Naka ngasɔ mbediɔ, kete djɔki, nɛ dia wɛ ekɔ lo mbikikɛ ndo ekɔ lo ntetemala nsambisha kaanga mbele dui sɔ wolo.3. Ambola asato akɔna wayotɔsɛdingola, ndo lande na?
3 Lo sawo nɛ, tayokadimola ambola asato anɛ: Lande na kakokaso nkɔmɔ lo tena dimɔtshi? Ntɔ elowa kɛdikɛdi na? Kakɔna kayotokimanyiya dia ntetemala ntɔ elowa la ekikelo? Mbeya ekadimwelo wa ambola asɔ ayotokeketsha dia ntetemala nkamba olimu w’esambishelo wakatosha Yeso.
LANDE NA KAKOKASO NKƆMƆ?
4. a) Ngande wakayaoke Pɔɔlɔ l’ɔtɛ wakatone ase Juda efula mbohokamɛ? b) Lande na kakayaoke Pɔɔlɔ ngasɔ?
4 Onde wɛ atakɔmɔka l’ɔtɛ wahalange anto wa l’ɛtshi kayɛ ka nkɛtɛ mpokamɛ losango lendana la Diolelo? Naka eelo, kete wɛ ayoyaoka woho wakayaoke ɔpɔstɔlɔ Pɔɔlɔ. Nde akasambisha ɛnɔnyi oko 30 ndo nde akakimanyiya anto efula dia monga Akristo. (Ets. 14:21; 2 Kɔr. 3:2, 3) Koko, nde kotondoya dia nkimanyiya ase Juda efula dia monga Akristo. Efula ka l’atei awɔ wakatone mpokamɛ Pɔɔlɔ ndo amɔtshi wakɔhɛnyahɛnya. (Ets. 14:19; 17:1, 4, 5, 13) Ngande wakayaoke Pɔɔlɔ l’ɔtɛ wa dui sɔ? Nde akate ate: “Lekɔ la lɔkɔnyɔ l’efula ndo kandji kahashile l’otema ami.” (Rɔmɔ 9:1-3) Lande na kakandayaoke ngasɔ? Nɛ dia nde akalangaka mɛtɛ esambishelo ndo anto. Pɔɔlɔ akayakiyanyaka mɛtɛ dikambo di’ase Juda ndo nde akanyange etena kakawatone kɛtshi ka Nzambi.
5. a) Kakɔna katotshutshuya dia nsambisha? b) Lande na kakokaso nkɔmɔ lo tena dimɔtshi?
5 L’ɛnyɛlɔ ka Pɔɔlɔ, sho sambishaka anto nɛ dia sho ndjakiyanyaka dikambo diawɔ ndo nangaka mbakimanyiya. (Mat. 22:39; 1 Kɔr. 11:1) Sho mbeyaka oma l’awui wambosalema lo nsɛnɔ yaso dia kambɛ Jehowa ekɔ yoho ya lɔsɛnɔ yoleki dimɛna. Ndo sho nangaka nkimanyiya anto akina dia mɛna woho wakoka nsɛnɔ yawɔ ndeka monga dimɛna ndo vɔ la wɔ! Diakɔ diatetemalaso mbakeketsha dia mbeka akambo wa mɛtɛ wendana la Jehowa ndo sangwelo diande lo dikambo di’anto. Ekɔ oko tekɔ lo mbatɔlɛ woshasha wa dimɛna efula ndo tekɔ lo mbasɛngasɛnga ɔnɛ: ‘Lam’alanganyu nyowetawɔ.’ Diakɔ diele naka vɔ wambotona woshasha ɔsɔ, sho koka mboka ‘kandji l’otema,’ oko wakoke Pɔɔlɔ. Sho mbokaka kandji kɛsɔ, aha l’ɔtɛ weso bu la mbetawɔ, koko l’ɔtɛ wokaso anto ngandji. Diakɔ diele kaanga mbakokaso nkɔmɔ lo tena dimɔtshi, sho tetemalaka nsambisha. Sho koka monga la kanyi yaamɛ la Elena, laya ombatshi mboka ɛnɔnyi ndekana 25 lata ate: “Dimi mbɔsaka di’olimu w’esambishelo wekɔ wolo. Koko, ndooko olimu okina wakokami nkamba laadiko diawɔ.”
NTƆ ELOWA KƐDIKƐDI NA?
6. Dimbola diakɔna diayangaso nkadimola?
6 Lande na kakokaso monga l’eshikikelo dia sho koka nkondja etombelo Mat. 13:23) Wɛɛla wa ntondo mendanaka la ɔkɔdi wa vinyɔ.
w’ɛlɔlɔ l’esambishelo oyadi dihole diakɔna diasambishaso? Dia nkadimola dimbola di’ohomba sɔ, tayanga nsɛdingola wɛɛla ehende wa Yeso lɛnɛ akandatɛkɛta dia ohomba wa ‘ntɔ elowa.’ (7. a) Lo wɛɛla wa Yeso, ele didjidji dia “okambi w’ekambɔ,” “ɔkɔdi wa vinyɔ” ndo “ntahe”? b) Dimbola diakɔna diaakatahombe nkondja okadimwelo?
7 Adia Joani 15:1-5, 8. Lo wɛɛla ande ɔsɔ, Yeso akalembetshiya dia Jehowa mbele “okambi w’ekambɔ,” Yeso ndamɛ kele “ɔkɔdi wa vinyɔ” ndo ambeki ande wekɔ “ntahe.” * Oma laasɔ, Yeso akatɛ apɔstɔlɔ ande ate: “Lo dikambo nɛ mbatombɔma Papa: Dia nyu ntetemala ntɔ elowa efula ndo mɛnya dia nyekɔ ambeki ami.” Ko, ntɔ elowa kɛdikɛdi na? Lo wɛɛla ande ɔsɔ, Yeso kombuta shikaa ele elowa ɛsɔ, koko nde akasha kanyi yatokimanyiya dia nkondja okadimwelo wa dimbola sɔ.
8. a) Lo wɛɛla wa Yeso, lande na kele ‘ntɔ elowa’ halembetshiya mbetɛ ambeki w’eyoyo? b) Kakɔna kele mɛtɛ lo kɛnɛ tshɛ katɔlɔmba Jehowa dia nsala?
8 Yeso akate lo dikambo dia She ate: “Nde pembolaka lotahe tshɛ lele le mi lahatɔ elowa.” L’ɛtɛkɛta ekina, sho koka monga ekambi wa Jehowa paka naka tekɔ lo ntɔ elowa. (Mat. 13:23; 21:43) Ɔnkɔnɛ, lo wɛɛla ɔsɔ, ntɔ elowa halembetshiya mbetɛ ambeki w’eyoyo. (Mat. 28:19) Otondonga ngasɔ mbediɔ, tshike Ɛmɛnyi wa Jehowa wa kɔlamelo wahatakimanyiya onto ɔmɔtshi dia monga ombeki wa Yeso wayonga oko ntahe yahatɔ elowa. Koko dui sɔ bu mɛtɛ! Lande na? Nɛ dia hatokoke ntshutshuya anto dia monga ambeki. Jehowa mbokanaka ngandji. Nde hatɔlɔmbaki pondjo dia nsala dui diahatakoke nsala. Nde tɔlɔmbaka paka kɛnɛ kakokaso nsala.—Eoh. 30:11-14.
9. a) Ngande watɔso elowa? b) Wɛɛla akɔna wayangaso nsɛdingola?
9 Ko laasɔ, ntɔ elowa kɛdikɛdi na? Ɔsɔ pombaka monga dui diakokaso sho tshɛ nsala. Olimu akɔna wakasha Jehowa ekambi ande tshɛ? Esambishelo ka lokumu l’ɔlɔlɔ la Diolelo dia Nzambi. * (Mat. 24:14) Wɛɛla wa Yeso wendana la omboki a woho mɛnyaka dui sɔ hwe. Tayanga nsɛdingola wɛɛla ɔsɔ.
10. a) Ele lɔtɔngɔ ndo nkɛtɛ lo wɛɛla wa Yeso? b) Kakɔna katondja lɔsɛkɛ l’eponga?
10 Adia Luka 8:5-8, 11-15. Lo wɛɛla wa omboki a woho, Yeso akalembetshiya dia lɔtɔngɔ kɛdikɛdi “ɔtɛkɛta wa Nzambi” kana losango lendana la Diolelo dia Nzambi. Nkɛtɛ ele otema w’onto. Lɔtɔngɔ lakɔ lo nkɛtɛ y’amɛna mbikaka edio, tombaka ndo mongaka eononɛ. Oma laasɔ, eononɛ kɛsɔ “[tɔka] elowa mbala 100.” Naka eononɛ kɛsɔ kaki lɔsɛkɛ l’eponga, elowa akɔna wayolotondja? Onde nɔngɔ y’eponga ya totshitshɛ? Ndooko, tɔ pombaka ntondja ntɔngɔ, yayoyonɛma, ko ndjonga nɔngɔ y’eponga. Lo wɛɛla ɔsɔ, lɔtɔngɔ ɔtɔi lakatondja ntɔngɔ 100. Kakɔna katetsha dui sɔ lo kɛnɛ kendana la esambishelo kaso?
Ngande “watɔ[so] elowa la ekikelo”? (Enda odingɔ 11)
11. a) Wetshelo akɔna wakondjaso oma lo wɛɛla wa omboki a woho lo kɛnɛ kendana l’esambishelo kaso? b) Ngande watondjaso lɔtɔngɔ l’oyoyo?
11 Mbala ka ntondo kakatetsha ambutshi aso w’Akristo kana Ɛmɛnyi wa Jehowa ekina awui wendana la Diolelo dia Nzambi, ekɔ oko vɔ wakonɛ lɔtɔngɔ lo nkɛtɛ y’amɛna. Vɔ waki l’ɔngɛnɔngɛnɔ w’efula etena kakawɛnyi dia sho taketawɔ losango lakɔ. Lɔtɔngɔ lɔsɔ lakatetemala mbola polo ndo monga suke dia ntɔ elowa. Ndo oko wele eononɛ kakatatɛkɛtshi la diko hatondja nɔngɔ y’eyoyo, koko lɔtɔngɔ * Ngande wasalaso dui sɔ? Etena tshɛ katɛso anto akina akambo wendana la Diolelo dia Nzambi, ekɔ oko tekɔ lo mfudia ndo tekɔ lo mpandjola lɔtɔngɔ lakonɛma l’otema aso. (Luka 6:45; 8:1) Ɔnkɔnɛ l’edja tshɛ katetemalaso nsambisha losango lendana la Diolelo dia Nzambi, sho “[tɔka] elowa la ekikelo.”
l’oyoyo sho hatotondja ambeki w’eyoyo, koko lɔtɔngɔ l’oyoyo.12. a) Wetshelo akɔna wakondjaso oma lo wɛɛla wa ɔkɔdi wa vinyɔ ndo omboki a woho? b) Ngande wayaokayɛ l’ɔtɛ wa wetshelo ɔsɔ?
12 Wetshelo akɔna wambotokondja oma lo wɛɛla wa Yeso wendana la ɔkɔdi wa vinyɔ ndo omboki a woho? Tambeka dia ‘ntɔ elowa’ halemanɛ la woho wahokamɛ anto losango laso. Dui sɔ nemanɛka la woho watetemalaso nsambisha. Pɔɔlɔ akate woho akɔ waamɛ etena kakandalembetshiya ɔnɛ: “Onto l’onto ayolongola difuto diande lo ndjela olimu ande hita.” (1 Kɔr. 3:8) Jehowa ayotofuta l’ɔtɛ w’olimu aso, koko aha l’ɔtɛ w’etombelo w’oma l’olimu aso. Matilda, laya ombatshi mboka ɛnɔnyi 20 mbutaka ate: “Dimi mongaka l’ɔngɛnɔngɛnɔ lo mbeya dia Jehowa tofutaka lo welo wadjaso.”
NGANDE WAKOKASO NTƆ ELOWA LA EKIKELO?
13, 14. Lo ndjela Rɔmɔ 10:1, 2, l’ɔtɛ w’ɛkɔkɔ akɔna waki Pɔɔlɔ kotshika nsambisha?
13 Kakɔna kayotokimanyiya dia “[ntɔ] elowa la ekikelo”? Tayanga nsɛdingola ɛnyɛlɔ ka Pɔɔlɔ dimɛna dimɛna. Sho mbeyaka dia Pɔɔlɔ akakɔmɔ l’ɔtɛ wakatone ase Juda losango lendana la Diolelo. Koko, Pɔɔlɔ kotshika pondjo dia mbasambisha. Nde akalembetshiya woho wakandayaoke lo dikambo di’ase Juda asɔ etena kakandate ate: “Ɔlɔlɔ w’otema ami ndo kɛnɛ kasɛngasɛngami Nzambi lo dikambo diawɔ ele dikambo dia panda kawɔ. Nɛ dia dimi lambota dia vɔ wekɔ la ohetoheto le Nzambi, koko aha lo ndjela ewo k’oshika.” (Rɔmɔ 10:1, 2) Ko lande na kakatetemala Pɔɔlɔ nsambisha?
14 Ntondotondo ele, Pɔɔlɔ akate dia ‘ɔlɔlɔ w’otema ande’ mbakotshutshuya dia Rɔmɔ 11:13, 14) Dui dia hende ele, nde “[akasɛngasɛnga] Nzambi lo dikambo diawɔ.” Pɔɔlɔ akasɛngasɛnga Jehowa dia nkimanyiya ase Juda l’onto ndo l’onto dia mbetawɔ losango lendana la Diolelo. Dui dia sato ele, Pɔɔlɔ akate ate: “Vɔ wekɔ la ohetoheto le Nzambi.” Pɔɔlɔ akɛnaka awui w’ɛlɔlɔ waki le anto asɔ ndo ɔnɛ vɔ wakakoke ndjokambɛ Jehowa. Nde akeyaka di’ase Juda waki l’ohetoheto asɔ wakakoke ndjonga ambeki wa Kristo wele l’ohetoheto oko nde.
nsambisha ase Juda. Nde akalangaka mɛtɛ dia vɔ shimbamɛ. (15. Ngande wakokaso mbokoya Pɔɔlɔ? Sha ɛnyɛlɔ.
15 Ngande wakokaso mbokoya Pɔɔlɔ? Dui dia ntondo ele, sho pombaka nsala la wolo dia nyanga onto tshɛ lele “suke dia mbetawɔ akambo wa mɛtɛ wakonya lo lɔsɛnɔ la pondjo.” Dui dia hende ele, sho sɛngasɛngaka Jehowa dia nkimanyiya anto w’etema ɛlɔlɔ dia mpokamɛ etena kawasambishaso. (Ets. 13:48; 16:14) Kɛsɔ mbakasale Silvana, laya ombatshi mboka ɛnɔnyi suke la 30. Nde mbutaka ate: “Ntondo ka dimi nkoma lo luudu lɔmɔtshi l’ɛtshi kami ka nkɛtɛ, dimi nɔmbaka Jehowa dia kimanyiyami dia monga la kanyi y’ɔlɔlɔ.” Sho la wɔ nɔmbaka di’andjelo tokimanyiya dia ntana anto walanga mpokamɛ. (Mat. 10:11-13; Ɛny. 14:6) Robert, laya ombatshi mboka ɛnɔnyi ndekana 30, mbutaka ate: “Nkamba kaamɛ l’andjelo weya kɛnɛ keta lo nsɛnɔ y’ampokami aso ekɔ dui di’ɔngɛnɔngɛnɔ efula.” Dui dia sato ele, sho salaka la wolo dia mɛna awui w’ɛlɔlɔ wele le anto ndo ɔnɛ vɔ kokaka ndjokambɛ Jehowa. Carl, lele ekumanyi lakabatizama ambeta ɛnɔnyi 50, mbutaka ate: “Dimi nyangaka kaanga djembetelo ya tshitshɛ yakoka mɛnya dia onto ekɔ lo mɛnya nsaki, ɛnyɛlɔ naka onto ekɔ lo mɔnamɔna, ekɔ la ɛnamelo k’onto ɔlɔlɔ kana amboka dimbola dia dimɛna.” Naka sho nsala awui asɔ, sho koka “[ntɔ] elowa la ekikelo” oko wakasale Pɔɔlɔ.
“TOSHAKE LONYA LAYƐ MOMUYA”
16, 17. a) Wetshelo akɔna wakokaso nkondja oma lo Ondaki 11:6? b) Ngande wakoka esambishelo kaso monga la shɛngiya le wanɛ watenda?
16 Hatohombe pondjo mbohɛ polo lo yɛdikɔ yakɔna yakoka esambishelo kaso monga la shɛngiya le anto, kaanga etena kɛnama dia ndooko onto latohokamɛ. (Adia Ondaki 11:6.) Anto wekɔ lo teenda. Vɔ mɛnaka dia takalɔtshi dimɛna, tekɔ la loshilambo ndo mbidjaka anto lo demba. Dui sɔ mbeyaka mbaambiya ndo l’edjedja ka wonya, kaanga wanɛ waki la tokanyi ta kɔlɔ lo dikambo diaso mbeyaka monga l’ekanelo ka dimɛna lo dikambo diaso. Sergio nde la Olinda wakɛnyi mɛtɛ ka dikambo sɔ.
17 Sergio mbutaka ate: “L’ɔtɛ wa hemɔ, l’etena kɛmɔtshi sho kotshɔka lo dihole diakatasambishaka. Etena kakatatshu lɛkɔ, ambetshetshi wakatombola ɔnɛ: ‘Amboleka wolo? Hatoyonyɛna!’” Olinda kotshaka l’ɔmɔnɔmɔnɔ ate: “Toshufɛlɛ taketetaka la mituka takatohohiyaka anya ndo anto amɔtshi waki lɔkɔ wakate la dui dia wolo ɔnɛ: ‘Olimu w’ɔlɔlɔ!’ Vɔ wakatɔlɔmbɛ ndo ekanda aso.” Sergio la Olinda wakambe efula etena kakaye pami kɛmɔtshi lo dihole diakawasambishaka, ko ndjowasha dɛmbɔlɛmbɔ ndo mbaoka losaka l’ɔtɛ w’olimu wakambawɔ.
18. Lande na kamboyoyashikikɛ dia “[ntɔ] elowa la ekikelo”?
18 Edja tshɛ “[kahayasha] lonya layɛ momuya” lo mbutɛ anto akina akambo wendana la Diolelo dia Nzambi, wɛ ekɔ lo nkimanyiya dia lokumu l’ɔlɔlɔ sambishama oko “ɔmɛnyi le anto wa lo wedja tshɛ.” (Mat. 24:14) Kɛnɛ koleki tshɛ ele, wɛ koka monga l’ɔngɛnɔngɛnɔ w’efula nɛ dia wɛ mbeyaka dia wɛ ekɔ lo ngɛnyangɛnya Jehowa. Nde nangaka wanɛ tshɛ “watɔ elowa la ekikelo”!
^ od. 2 Kaanga Yeso akate dia aki okakatanu nsambisha lo “ngelo kande.” Dui sɔ kɔndwama lo Evanjiliɔ akɔ ɛnɛi watɛkɛta dikambo di’esambishelo kande.—Mat. 13:57; Makɔ 6:4; Luka 4:24; Jni. 4:44.
^ od. 7 Kaanga mbele ntahe ya lo wɛɛla ande ɔsɔ mendana l’Akristo wayotshɔ l’olongo, wɛɛla ɔsɔ wekɔ la wetshelo wendana l’ekambi wa Nzambi tshɛ.
^ od. 9 Etelo k’ɔnɛ ‘ntɔ elowa’ koka nto mendana la ntɔ “olowa wa nyuma.” Koko, sawo nɛ ndo diayela mbikaka epole ɔsɛkɛ lo ntɔ “elowa w’oma l’ɛlɔmɔ aso” kana nsambisha awui wendana la Diolelo dia Nzambi.—Ngal. 5:22, 23; Hɛb. 13:15.
^ od. 11 Lo tena dikina, Yeso akakambe la wɛɛla wa omboki a woho ndo omunyi dia ntɛkɛta dikambo dia olimu wa mbetɛ anto ambeki.—Mat. 9:37; Jni. 4:35-38.