Tokondja wahɔ tshɛ lo tshɛ oma lo kɛnɛ katosha Jehowa
‘Dimi Jehowa kele Nzambi kayɛ, Ɔnɛ latoketshaka dikambo dia wahɔ ayɛ.’—ISAYA 48:17.
ESAMBO: 117, 114
1, 2. a) Ngande wayaoka Ɛmɛnyi wa Jehowa lo kɛnɛ kendana la Bible? b) Etenyi kakɔna ka Bible kalekayɛ nanga?
OKO WESO Ɛmɛnyi wa Jehowa, sho nangaka Bible. Tɔ toshaka esambelo, elongamelo ndo wetshelo wakokaso ndjaɛkɛ lɔkɔ. (Rɔmɔ 15:4) Tɔ bu dibuku diele la tokanyi t’anto, koko tɔ kekɔ “ɔtɛkɛta wa Nzambi.”—1 Tɛsalɔnika 2:13.
2 Mbala efula, sho tshɛ nangaka etenyi kɛmɔtshi ka Bible. Anto amɔtshi nangaka Evanjiliɔ nɛ dia vɔ mɛnyaka lonto la Jehowa la dimɛna lo tshimbo ya Yeso. (Joani 14:9) Anto akina nangaka abuku wa prɔfɛsiya ɛnyɛlɔ oko dibuku di’Ɛnyɛlɔ, diatɛnya “akambo wahomba salema keema edja.” (Ɛnyɛlɔ 1:1) Amɔtshi kondjaka esambelo etena kadiawɔ dibuku di’Osambu ndo akina ngɛnangɛnaka mbadia alako w’ekeketshelo wele lo dibuku dia Tukedi. Mbokɛmaka hwe dia Bible ekɔ dibuku di’anto tshɛ.
3, 4. a) Ngande wɔsaso ekanda aso? b) Naa ekanda walongolaso dikambo di’elui w’anto wa laande?
3 Lam’ele sho nangaka Bible, sho nangaka nto ekanda aso nɛ dia awui wa lɔkɔ ntomba oma lo Ɔtɛkɛta wa Nzambi. Abuku Tito 2:2.
tshɛ, tobukubuku, periodikɛ, ndo ekanda ekina walembetshiya Bible walongolaso wekɔ mbo ya ndɛ y’oma le Jehowa. Yɔ tokimanyiyaka dia sho tshikalaka suke suke la nde ndo ntetemala monga la mbetawɔ ka nge.—4 Efula k’ekanda aso wakafundama lo dikambo di’Ɛmɛnyi wa Jehowa lo tshɛ kawɔ. Koko, ekanda ɛmɔtshi wakafundama lo yoho ya laande lo dikambo di’anto amɔtshi shikaa, ɛnyɛlɔ oko ɛlɔngɔlɔngɔ kana ambutshi. Asawo efula ndo tovidɛo tele lo sitɛ kaso k’Ɛtɛrnɛtɛ takalɔngɔswama lo yoho ya laande lo dikambo di’anto wele keema Ɛmɛnyi wa Jehowa. Dihomɔ diotshikitanyi sɔ mɛnyaka dia Jehowa ekɔ lo nkotsha daka diande dia mbishaka anto tshɛ wetshelo w’efula.—Isaya 25:6.
5. Dui diakɔna diakokaso monga l’eshikikelo ɔnɛ Jehowa dingɛnangɛnaka?
5 Efula kaso kombolaka monga l’etena k’efula ka mbadiaka Bible ndo ekanda aso. Koko mbala mɔtshi ko hatetsha lofulo la wenya waamɛ dia mbeka okanda tshɛ wakondjaso. Sho koka monga l’eshikikelo ɔnɛ Jehowa ngɛnangɛnaka etena kakambaso la wenya aso la lomba dia mbadiaka ndo mbekaka Bible ndo ekanda aso. (Ɛfɛsɔ 5:15, 16) Koko, ekɔ waale ɔmɔtshi wahombaso mbewɔ. Naa waale akɔ?
6. Kakɔna kakoka tokonya diaha sho nkondja wahɔ oma lo kɛnɛ katosha Jehowa?
6 Naka hatendji ɔlɔlɔ, kete sho kokaka mfɔnya ɔnɛ tenyi dimɔtshi dia lo Bible kana ekanda ɛmɔtshi bu ohomba le so. Ɛnyɛlɔ, kayotota naka etenyi kɛmɔtshi ka Bible mɛnamaka oko hendana la dikambo diele laso? Kana kayotota naka awui wofundami lo mukanda ɔmɔtshi hawoleke mendana la so? Onde sho tayodiadɛ paka lowango lowango kana mbewɔ dia diada? Naka sho nsala ngasɔ, kete tayohandja awui w’ohomba efula wakokaso nkondja oma lɔkɔ. Ngande wakokaso mbewɔ waale ɔsɔ? Sho pombaka mbohɔ di’awui tshɛ walongolaso ndjama oma le Jehowa. Lo Bible sho mbadiaka ɔnɛ: ‘Dimi Jehowa kele Nzambi kayɛ, Ɔnɛ latoketshaka dikambo dia wahɔ ayɛ.’ (Isaya 48:17) Lo sawo nɛ, tayɔkɛtshanya awui asato wayotokimanyiya dia sho nkondja wahɔ oma lo diangɔ tshɛ diatosha Jehowa.
ALAKO WENDANA LA WADIELO WA BIBLE WELE LA WAHƆ
7. Lande na kahombaso mbadiaka Bible la yimba y’ɔlɔlɔ?
7 Adia la yimba y’ɔlɔlɔ. Ekɔ mɛtɛ dia tenyi dimɔtshi dia lo Bible diakafundama lo dikambo di’onto kana di’olui ɔmɔtshi w’anto shikaa. Koko, Bible mbutaka hwe dia ‘Afundelo tshɛ wakasambiyama oma le Nzambi ndo wekɔ ohomba.’ (2 Timɔte 3:16) Diakɔ diahombaso monga la yimba y’ɔlɔlɔ etena kadiaso Bible. Ɔnangɛso ɔmɔtshi akohɔka dia nde kokaka nkondja wetshelo efula oma l’ɔkɔndɔ ɔtɔi. Dui sɔ diakokimanyiya dia nde mbishola wetshelo woshɛmi. Ɔnkɔnɛ, la ntondo ka sho mbadia Bible, sho pombaka nɔmba Jehowa dia nde tosha yimba y’ɔlɔlɔ ndo lomba dia sho nshihodia wetshelo walangaso nkondja.—Ezera 7:10; adia Jakɔba 1:5.
Onde wɛ kondjaka wahɔ tshɛ lo tshɛ oma lo wadielo ayɛ wa Bible? (Enda odingɔ 7)
8, 9. a) Etena kadiaso Bible, ambola akɔna wahombaso ndjaoka? b) Akambo walɔmbama le dikumanyi di’Akristo dia l’etshumanelo atɛnyawɔ lo dikambo dia Jehowa?
8 Okaka ambola. Etena kadiayɛ Bible, emala ndo yaoka ambola wayela anɛ: ‘Kakɔna kambetsha dui nɛ lo kɛnɛ kendana la Jehowa? Ngande wakokami nkamba la wetshelo ɔnɛ lo lɔsɛnɔ lami? Ngande wakokami nkamba lawɔ dia nkimanyiya anto akina?’ Naka sho nkana yimba la ambola anɛ, tayokondja wahɔ efula oma lo wadielo aso wa Bible. Nyɛsɔ tende ɛnyɛlɔ kɛmɔtshi. Bible mɛnyaka akambo amɔtshi walɔmbama le wanɛ walanga nkoma dikumanyi di’Akristo dia l’etshumanelo. (Adia 1 Timɔte 3:2-7.) Efula ka l’atei aso bu dikumanyi dia l’etshumanelo, laasɔ sho koka mfɔnya di’awui anɛ hawokoke tokimanyiya kaanga yema. Koko nyɛsɔ tokambe la ambola asato wakonyiyami la diko dia menda woho wakoka listɛ l’akambo walɔmbama tokimanyiya sho tshɛ.
kete9 “Kakɔna kambetsha dui nɛ lo kɛnɛ kendana la Jehowa?” Jehowa akatosha listɛ la kɛnɛ kalɔmbama le dikumanyi dia l’etshumanelo. Nde ekɔ l’atɔndɔ wa laadiko wakandasha apami wakokɛ etshumanelo. Kɛsɔ mɛnyaka dia etshumanelo ekɔ ɛngɔ ka nɛmɔ le Jehowa. Bible mbutaka dia nde akakisombe “la dikila dia Ɔnande.” (Etsha 20:28) Ɔnkɔnɛ, Jehowa nongamɛka dia dikumanyi monga bɛnyɛlɔ di’ɛlɔlɔ, ndo vɔ wayoyokoya la nde lo woho wasalɛwɔ ase etshumanelo akambo. Nde nangaka dia sho ndjaoka lo wɔladi l’ekokelo kawɔ. (Isaya 32:1, 2) Etena kadiaso akambo walɔmbama anɛ, sho mɛnaka dia Jehowa ndjakiyanyaka mɛtɛ lo dikambo diaso.
Jehowa tɔlɔmbaka dia sho tshɛ monga la ekanelo k’ɔlɔlɔ ndo la yimba y’ɔlɔlɔ
10, 11. a) Etena kadiaso akambo walɔmbama le dikumanyi dia l’etshumanelo, ngande wakokaso nkamba l’akambo akɔ lo lɔsɛnɔ laso hita? b) Ngande wakokaso nkamba l’awui asɔ dia nkimanyiya anto akina?
10 “Ngande wakokami nkamba la wetshelo 1 Timɔte 3:1) Koko Akristo tshɛ kokaka nkondja wetshelo oma l’akambo walɔmbama asɔ. Ɛnyɛlɔ, Jehowa tɔlɔmbaka dia sho tshɛ monga la ekanelo k’ɔlɔlɔ ndo la yimba y’ɔlɔlɔ. (Filipɛ 4:5; 1 Petero 4:7) Etena konga dikumanyi dia l’etshumanelo “bɛnyɛlɔ le ɛkɔkɔ,” sho kokaka nkondja wetshelo oma le wɔ ndo ‘mbokoya mbetawɔ kawɔ.’—1 Petero 5:3; Hɛbɛru 13:7.
ɔnɛ lo lɔsɛnɔ lami?” Naka wɛ ambotongaka ekumanyi kɛmɔtshi ka l’etshumanelo, kete wɛ pombaka sɛdingolaka mbala la mbala listɛ la kɛnɛ kalɔmbama ndo mpemba ndjalowanya. Naka wɛ ‘kombolaka dia monga omendji,’ wɛ pombaka nsala la wolo dia nkotsha kɛnɛ kalɔmbama lo yoho yoleki dimɛna lo ndjela akoka ayɛ. (11 “Ngande wakokami nkamba l’awui anɛ dia nkimanyiya anto akina?” Sho koka nkamba la listɛ la kɛnɛ kalɔmbama le dikumanyi di’Akristo dia nkimanyiya ambeki wa Bible ndo anto akina wayasha lo mɛtɛ dia nshihodia woho wotshikitanyi dikumanyi dia l’etshumanelo la ewandji w’ɛtɛmwɛlɔ. Listɛ lɔnɛ koka tokimanyiya nto dia mbohɔka olimu wa wolo wakamba dikumanyi lo tshumanelo diaso. Ndo lo wedi okina, lɔ layotokimanyiya dia sho monga la dilɛmiɛlɔ otsha le anangɛso asɔ. (1 Tɛsalɔnika 5:12) Lo yɛdikɔ yayotoleka mbalɛmiya, mbayowoleka monga l’ɔngɛnɔngɛnɔ wa nkosha ɔkɛndɛ awɔ.—Hɛbɛru 13:17.
12, 13. a) Lo nkamba la dihomɔ diele laso, eyangelo wa ngande wakokaso nsala? b) Sha ɛnyɛlɔ ka woho wele akambo w’edjedja kokaka tosholɛ wetshelo wahatakoke mbishola mbala kakɔ ɔtɔi.
12 Nsala eyangelo. Etena kekayɛ Bible, wɛ koka nyanga ekadimwelo lo ambola wayela anɛ:
-
Akafunde etenyi ka Bible kɛnɛ?
-
Lende ndo etena kakɔna kakatafundama?
-
Akambo akɔna w’ohomba waketaka etena kakafundamaka dibuku nɛ?
Akambo anɛ mbeyaka tokimanyiya dia sho mɛna wetshelo wahatakoke mbishola mbala kakɔ ɔtɔi.
13 Ɛnyɛlɔ, Ezekiyele 14:13, 14 mbutaka ɔnɛ: ‘Naka wodja wambosalɛ pɛkato ndo wamboshisha kɔlamelo, dimi layosembola lonya lami otsha le wɔ ndo layolanya kɛnɛ kawasha mbo ya ndɛ, ndo dimi layotoma ndjala lɔkɔ ndo layoshila anto la nyama ya lɔkɔ oshiki. Oyadi kaanga apami 3 anɛ: Nɔa, Danyɛlɛ ndo Jɔbɔ waki lɔkɔ, vɔ wotokoka ndjashimbɛ paka vɔamɛ ato l’ɔtɛ wa losembwe lawɔ,’ mbata Nkum’Olongo Nkumadiɔndjɔ Jehowa.’ Naka sho nsala eyangelo ɛmɔtshi, kete tayokondja wetshelo lo ɛtɛkɛta wakafunde Ɛzɛkiyɛlɛ ɛnɔnyi oko 612 la ntondo ka Kristo. L’etena kɛsɔ ko Nɔa nde la Jɔbɔ wambotavɔka ɛnɔnyi nkama, koko Jehowa akatetemala mbohɔ kɔlamelo yawɔ. Koko Danyɛlɛ aki eeke la lɔsɛnɔ. Mɛnamaka dia nde aki l’ɛnɔnyi oko 20 etena kakawotɛ Jehowa dia nde aki la losembwe paka oko Nɔa la Jɔbɔ. Wetshelo akɔna wakondjaso? Jehowa mɛnaka ndo mbɔsaka kɔlamelo y’ekambi ande tshɛ la nɛmɔ mbidja ndo y’ɛlɔngɔlɔngɔ l’esekaseka.—Osambu 148:12-14.
TOKONDJA WAHƆ OMA L’EKANDA WOTSHIKITANYI WALONGOLASO
14. Ngande wele awui watondjama dikambo di’ɛlɔngɔlɔngɔ l’esekaseka mbakimanyiyaka, ndo wakokawɔ nkimanyiya ndo anto akina? (Enda osato wele lo mbɔtwɛlɔ.)
14 Ekanda wendana la ɛlɔngɔlɔngɔ l’esekaseka. Tambeka dia sho kokaka nkondja wahɔ oma lo tenyi tshɛ dia Bible. Woho akɔ waamɛ mbele, sho koka nkondja wahɔ oma l’ekanda aso tshɛ. Nyɛsɔ tɔsɛdingole bɛnyɛlɔ dingana to. L’ɛnɔnyi weke kambeta ɛnɛ, Jehowa akatosha wetshelo efula wendana la ɛlɔngɔlɔngɔ l’esekaseka. [1] (Enda nɔtɛ ka la koma.) Wetshelo ɔnɛ mbakimanyiyaka dia ndɔshana la tɔsɛngiya ndo l’ekakatanu wa la kasala ndo ekakatanu wendana la etena katawole. Ko ngande wakokaso sho tshɛ nkondja wahɔ oma lo wadielo w’asawo ndo abuku asɔ? Etena kadiaso asawo asɔ, sho koka mbeka ekakatanu wele l’ɛlɔngɔlɔngɔ ndo monga l’akoka wa mbaakimanyiya ndo mbaakeketsha.
Akristo waya epalanga hawohombe monga l’ofunu dia ntona mbadia asawo wendana l’ɛlɔngɔlɔngɔ
15. Lande na kahomba Akristo w’epalanga ndjasha l’awui wakafundama dikambo di’ɛlɔngɔlɔngɔ?
15 Akristo waya epalanga hawohombe monga l’ofunu dia ntona mbadia asawo wendana l’ɛlɔngɔlɔngɔ. Ekakatanu efula wɔtɛkɛtami l’asawo asɔ wekɔ la shɛngiya le Akristo tshɛ. Ɛnyɛlɔ, sho tshɛ pombaka mamɛ dietawɔ diaso, mbahemɛ nsaki yaso, ntona tɔsɛngiya t’oma le asekaso, mbewɔ lɔngɛnyi la kɔlɔ ndo tɔkɛnyɔ ta kɔlɔ. Kaanga mbele ekanda ɛsɔ wakafundama lo dikambo di’ɛlɔngɔlɔngɔ, awui wele lɔkɔ ntomba oma lo Bible ndo Akristo tshɛ koka nkondja wahɔ oma l’awui akɔ.
16. Ekanda aso kimanyiyaka ɛlɔngɔlɔngɔ lo dikambo diakɔna nto?
16 Ekanda wakafundama lo dikambo di’ɛlɔngɔlɔngɔ koka nto mbakimanyiya dia vɔ nkeketsha lɔngɛnyi lasawɔ la Jehowa. (Adia Undaki 12:1, 13.) Ndo epalanga nto koka nkondja wahɔ. Ɛnyɛlɔ, Réveillez-vous ! wa Ngɔndɔ ka nɛi 2009 wekɔ la sawo diele l’ɔtɛ a dui ɔnɛ: “Les jeunes s’interrogent . . . Comment trouver du plaisir à lire la Bible ?” Sawo sɔ diekɔ l’alako efula w’ohomba ndo diekɔ la kiombo mɔtshi yakokayɛ mpembola ko ndjihanɛ dia wɛ kambaka la yɔ lo wekelo. Onde epalanga wakakoka wahɔ oma lo sawo sɔ? Womoto ɔmɔtshi lele mama ka nkumbo akate ate: Wadielo wa Bible wa mbala la mbala waki tshondo y’okakatanu le nde. Koko nde akakambe l’alako wa lo sawo sɔ ndo ɛlɔ kɛnɛ nde okongɛka etena kande ka wadielo wa Bible l’ɔngɛnɔngɛnɔ. Nde mbutaka dia nde ngɛnangɛnaka mɛna woho wɔtɔnɛ abuku wa lo Bible ndo ndodjaka wɔɔngɔ ande l’esato w’elangala ndo nde kotshaka ate: “Talangaka wadielo wa Bible woho w’omolanga ɛlɔ kɛnɛ.”
17, 18. Ngande wakokaso nkondja wahɔ oma lo wadielo w’ekanda wakafundama lo dikambo di’anto tshɛ? Sha ɛnyɛlɔ kɛmɔtshi.
17 Ekanda wendana la anto tshɛ. Ntatɛ oma l’ɔnɔnyi wa 2008 takakondja Tshoto y’Etangelo ya wekelo. Yɔ ndekaka mendana l’Ɛmɛnyi wa Jehowa, koko tekɔ nto la wa periodikɛ yaleka mendana la anto tshɛ. Ngande wakokaso nkondja wahɔ oma l’ekanda ɛsɔ? Nyɛsɔ tokambe la ɛnyɛlɔ
kɛmɔtshi. Etena kelɛyɛ onto ɔmɔtshi oya lo Mbalasa ka Diolelo ndo kayande wɛ mongaka l’ɔngɛnɔngɛnɔ. Etena kasha ɔtɛkɛtshi sawo diande, wɛ kanyiyaka dikambo di’onto lakayele. Wɛ ndjambolaka wate woho wayaoka onto ɔsɔ lo kɛnɛ kendana l’awui wokande ndo lo woho wakoka sawo sɔ ntshikitanya lɔsɛnɔ lande. Etombelo wele la dikambo sɔ ele, otema ayɛ munandemaka ndo wɛ mongaka la lowando l’efula lo sawo diɔmbwama.18 Dui dimɔtshi dia woho akɔ waamɛ mbeyaka tokomɛ etena kadiaso ekanda walembetshiya Bible wakafundama lo dikambo di’anto tshɛ. Ɛnyɛlɔ, Tshoto y’Etangelo y’anto tshɛ ndo asawo wa lo jw.org nembetshiyaka Bible lo nkamba l’ɛtɛkɛta ndo la ditelo dia wɔdu nshihodia. Etena kadiaso awui asɔ, sho pamiaka eokelo kaso ndo sho nangaka akambo wa mɛtɛ wa lo Bible wokoteyaka dimɛna. Ndo nto, sho kokaka mbeka toho t’eyoyo ta nembetshiya dietawɔ diaso l’olimu w’esambishelo. Woho akɔ wamɛ mbele, Réveillez-vous ! keketshaka dietawɔ diaso ɔnɛ Otungi ɔmɔtshi ekɔ. Dui sɔ tokimanyiyaka nto dia sho mbeka woho wa sho mamɛ dietawɔ diaso.—Adia 1 Petero 3:15.
19. Ngande wakokaso mɛnya lowando laso le Jehowa l’ɔtɛ wa kɛnɛ katoshande?
19 Mbokɛmaka hwe dia Jehowa toshaka alako ndo wetshelo efula dikambo dia wahɔ aso. (Mateo 5:3) Ɔnkɔnɛ nyɛsɔ totetemale mbadia ndo nkamba la wetshelo tshɛ watoshande. Naka sho nsala ngasɔ, kete tayokondja wahɔ ndo tayɛnya Jehowa dia tekɔ la lowando lo kɛnɛ tshɛ katoshande.—Isaya 48:17.
^ [1] (odingɔ 14) Wetshelo ɛsɔ mendanaka ndo l’awui wa lo Les jeunes s’interrogent—Réponses pratiques, volumes 1 ndo2, ndo asawo wele l’ɔtɛ a dui ɔnɛ: “Les jeunes s’interrogent ” watondjama paka l’Ɛtɛrnɛtɛ.