Onde wɛ ngɛnangɛnaka ‘diɛsɛ dia nkaha l’otema ɔtɔi’?

AKRISTO wa lo ntambe ka ntondo wa la Filipi wakeyamaka l’ɔtɛ wakawasukɛka ɔtɛmwɛlɔ wa mɛtɛ l’otema ɔtɔi. Lo mukanda wakasambiyama wakandâfundɛ, ɔpɔstɔlɔ Paulo akate ate: “Dimi latukaka [Nzambi] lusaka tena tshe lam’atumunyuhoka. Lu alombelo ami tshe watumunyolombelaka tena tshe, dimi latolombaka la ongenongeno, ne dia ekimanyelu kanyu ka mbudia lukumu l’ololo uma lu lushi la ntundu edja ndu kakiane.” (Fil. 1:3-5) Paulo akohɔ etena kakabatizama Ludiya nde l’ase nkumbo kande ndo woho wakandâsɛngasɛnga nde la wanyande esambisha dia vɔ mpanga lo luudu lande.—Etsha 16:14, 15.

Kombeta edja, etshumanelo k’oyoyo ka la Filipi kakatomɛ Paulo diangɔ mbala hiende y’etondo etena kakawasale nde l’asekande ambetawudi mingu mɔtshi la Tɛsalɔnika, osomba wakangana kilɔmɛtɛlɛ oko 160 la Filipi.  (Fil. 4:15, 16) Ɛnɔnyi engana l’ɔkɔngɔ diko etena kakadiɛnɛka anangɛso wa la Filipi ndo wa la Makɛdɔniya la ndjala ndo la “wula,” vɔ wakoke woho wakahɛnyahɛnyamaka Akristo wa la Jerusalɛma ndo wakakombola dia mbakimanyiya. Paulo akashikikɛ dia vɔ wakasale dui sɔ ‘lo yoho yoleki akoka awɔ.’ Ɔnkɔnɛ nde akafunde ate: ‘Wakatetemala tɔsɛngasɛnga la ngandji tshɛ lo kɛnɛ kendana la diɛsɛ dia nkaha l’otema ɔtɔi.’—2 Kor. 8:1-4; Romo 15:26.

Ase Filipi wakatetemala mɛnya lokaho la ngasɔ suke l’ɛnɔnyi dikumi l’ɔkɔngɔ wa vɔ nkoma Akristo. Etena kakawoke dia Paulo ekɔ lo lokanu la Rɔma, vɔ wakatome Epafɔrɔdito dia towosha diangɔ diakawɔkɔngwɛ kânga mbakandahombe munda lɔkɛndɔ la l’ekolo ndo la l’ashi kilɔmɛtɛlɛ oko 1 287. Mbokɛmaka hwe di’Akristo wa la Filipi wakalangaka nkotsha ehomba wa Paulo dia nde ntetemala nsambisha ndo nkeketsha anangɛso kânga mbakinde lo lokanu.—Fil. 1:12-14; 2:25-30; 4:18.

Ɛlɔ kɛnɛ, Akristo wa mɛtɛ mbɔsaka di’ekɔ tshondo ya diɛsɛ dia nsukɛ olimu w’esambishelo ka Diolelo ndo wa mbetɛ anto ambeki. (Mat. 28:19, 20) Vɔ sukɛka wahɔ wa Diolelo lo nkamba la wenya, wolo ndo la diangɔ diawɔ. Kiombo yele l’ɛse nyɛ mɛnyaka toho tɔmɔtshi takokaso nkimɔ weshasha dia nsukɛ olimu w’esambishelo.

[Kiombo ya lo lɛkɛ 22, 23]

TOHO TAKIMƆ ANTO AMƆTSHI WESHASHA

DIA NSUKƐ OLIMU WA L’ANDJA W’OTONDO

Anto efula mombaka yema ya dikuta dia todja lo tɔshɛtɛshɛtɛ tofundami ɔnɛ: “Olimu wa l’andja w’otondo.”

Ngɔndɔ tshɛ, tshumanelo tomɛka Bɛtɛlɛ k’Ɛmɛnyi wa Jehowa ka lo wodja awɔ falanga shɔ. Weshasha wa la lolango wendana la falanga kokaka tomama mbala kakɔ ɔtɔi lo lokombo la Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483 kana tomɛ Bɛtɛlɛ k’Ɛmɛnyi wa Jehowa kalɔmbɔla olimu lo wodja anyu. (Onto lalanga nkimɔ falanga koka nto ndjitoma lo Bɛtɛlɛ ka lo wodja wende.) Shɛkɛ kokaka tomama lo adrɛsɛ wa la diko ongo ndo mfunda lokombo “Watchtower.” Onto koka nkimɔ dɛngalɛnga kana diangɔ dikina di’oshinga wolo oko woshasha. Onto lakimɔ diangɔ sɔ pombaka mfunda yema ya mukanda yɛnya dia ekɔ woshasha.

YƐDIKƆ YENDANA LA ƆSƆNDJƐLƆ WA FALANGA

Onto koka nsɔndja Watch Tower Bible and Tract Society of Pennsylvania falanga dia nsukɛ olimu wa l’andja w’otondo. Koko naka nde oyiyanga, kete wayowokaloyayɔ. Dia mbeya awui efula lo dikambo sɔ, fundɛ Biro waki Omombi wa falanga ndo toma mukanda akɔ lo adrɛsɛ wa la diko ongo kana telefɔnɛ lo numɛlɔ kɛnɛ (718) 560-7500.

WEHO EKINA WAKIMƆMA WESHASHA DIA NSUKƐ ƆTƐMWƐLƆ

Lâdiko dia nkimɔ falanga, ekɔ nto toho tokina takimɔma weshasha dia nsukɛ olimu w’esambishelo ka Diolelo wasalema l’andja w’otondo. L’atei wa toho takɔ mbele ndo:

Asiransɛ wa lɔsɛnɔ: Onto mbeyaka mbuta dia Watch Tower Bible and Tract Society of Pennsylvania mbɔsaka falanga yande ya pasiɔ kana yahomba lɛɛta mbofutaka.

Kɔntɛ ya lo bankɛ: Onto mbeyaka mbuta dia l’ɔkɔngɔ wa nyɔi kande ko vɔ mbisha Watch Tower Bible and Tract Society of Pennsylvania falanga yande yele lo bankɛ lo ndjela kɛnɛ kalɔmba bankɛ kawɔ.

Diangɔ diakatômbe kana falanga yokolami lɛɛta: Onto mbeyaka mbisha Watch Tower Bible and Tract Society of Pennsylvania lotshungɔ la nkamba la diangɔ diakandômbe kana falanga yande yokolami lɛɛta.

Lokombo kana luudu: Onto koka mbisha Watch Tower Bible and Tract Society of Pennsylvania lokombo kana luudu lande ndo naka lɔkɔ mbodjashinde, kete nde mbeyaka mbuta dia Watch Tower Bible and Tract Society of Pennsylvania ndjoliɔsa l’ɔkɔngɔ wa nyɔi kande ndo tosinya mikanda laka lɛɛta dia lolango lande nɛmiyama.

Tɛstama: Onto koka nsala tɛstama ketawɔma le lɛɛta dia mbisha Watch Tower Bible and Tract Society of Pennsylvania lotshungɔ la ndjɔsa diangɔ kana falanga yande l’ɔkɔngɔ wa nyɔi kande.

Dia nkimɔ weho wa weshasha ɛsɔ nɔmbamaka dia onto lakimɔ takanyi yimba dimɛna dimɛna la ntondo.

Dia mbeya awui akina lo kɛnɛ kendana la nkimɔ weho wa weshasha ɛsɔ, fundɛ Ɛmɛnyi wa Jehowa lo adrɛsɛ wele l’ɛse kana elɛ Bɛtɛlɛ ka lo wodja anyu lo telefɔnɛ.

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Telefɔnɛ: (845) 306-0707