Yeso “latunyaka kolo ya wa la kete”

Joani Obatizanyi akate lo dikambo dia Yeso ɔnɛ, nde “latunyaka kolo ya wa la kete.” (Joani 1:29) Kɛsɔ tɛnyaka ɔkɛndɛ wele la Yeso wa nshimbɛ anto wetawɔ nkitanyiya ɛlɛmbɛ ande.

Lande na kakahombe Yeso mvɔ dia nshimbɛ atshi wa pɛkato?

Kakɔna kakandakotsha lo mbetawɔ la lolango lande dia nkimɔ lɔsɛnɔ lande?

Waa na wakondja wahɔ oma lo nyɔi kande?

Dikambo sɔ alembetshiyadiɔ le yɛ?

Ɔnɔnyi tshɛ, Ɛmɛnyi wa Jehowa sanganaka dia nsala eohwelo ka nyɔi kaki Yeso. Ɔnɔnyi ɔnɛ, eohwelo kɛsɔ kayosalema Lushi la lomingu, Ngɔndɔ ka nɛi 17, l’ɔkɔngɔ wa ɛɔtwɛlɔ ka wonya.

Ɛmɛnyi wa Jehowa wambokelɛ la wangasanu tshɛ dia ndjosangana kâmɛ la wɔ dia ndjeya kitshimudi ya nyɔi ka Yeso. Bible kayosha ekadimwelo lo ambola wele la diko ango.

Wɛ kokaka ntshɔ lo Mbalasa ka Diolelo kele suke la lakayɛ. Lam’alangɛ nsawola l’Ɛmɛnyi wa Jehowa wa lo mbilo kanyu dia vɔ kotɛ wonya ndo dihole shikaa.