Efukutanu wakonya anto dia monga l’elongamelo
Efukutanu wakonya anto dia monga l’elongamelo
“Lu nshi y’ekumelu, tena dia wulu diayuyala.”—2 TIMOTE 3:1.
ONDO wɛ ambokaka kana ambɛnaka dikambo dimɔtshi l’atei w’akambo wa kɔlɔ wayela anɛ:
● Olando ɔmɔtshi wa wolo wakadiake anto akumi.
● Ndjala kɛmɔtshi ka kasha kakadiake anto kama.
● Didimu dimɔtshi dia nkɛtɛ diakashile anto nunu ndo anto efula wakashisha mvudu yawɔ.
Lo ndjɛkɛ yayela ya periodikɛ kɛnɛ, tayɔsɛdingola akambo akina wele oko wanɛ. Wɛ ayɛna nto dia Bible akatatshi di’akambo wa ngasɔ wayosalema l’etena kelamɛ ɔnɛ “nshi y’ekumelu.” *
Koko, oyango wele l’asawo anɛ kema wa ketawoya ɔnɛ tekɔ lo nsɛna l’andja wambolola tɔ l’ekakatanu, nɛ dia ondo wɛ ambɛnaka ekakatanu wa ngasɔ. Koko, vɔ wakalɔngɔswama dia kosha elongamelo. Vɔ wayɛnya dia ekotshamelo ka prɔfɛsiya shamalo nyɛ nembetshiyaka dia “nshi y’ekumelu” yayanga komɛ. Asawo anɛ wayɛnya nto kɛnɛ kata anto efula lo kɛnɛ kendana la tolembetelo tɔsɔ ndo wayotosha ɛkɔkɔ w’eshika watotshutshuya dia sho mbetawɔ ɔnɛ dikambo dimɔtshi dia dimɛna diekɔ lo tokongɛ la ntondo.
[Nɔte ka l’ɛse ka dikatshi]
^ od. 7 Dia mbeya lande na katshika Nzambi akambo wa kɔlɔ wa ngasɔ, enda sawo diele l’ɔtɛ a dui ɔnɛ: “Lande na katshika Nzambi akambo wa kɔlɔ ndo asui?” lo lɛkɛ 16 ndo 17 la periodikɛ kɛnɛ.