Etena katoyohokamɛka sango ya l’andja ɔnɛ, ondo wɛ tokaka dia lo tena dimɔtshi as’ɛtɛmwɛlɔ efula ndjakimɔka l’awui wa kɔlɔ. Aha ɔtɛmwɛlɔ tshɛ mboye oma le Nzambi ka mɛtɛ. (Mateo 7:15) Lo mɛtɛ, efula k’anto wambonganyiyama.—Adia 1 Joani 5:19.

Koko, Nzambi mɛnaka anto w’etema ɛlɔlɔ walanga akambo w’ɛlɔlɔ ndo wa mɛtɛ. (Joani 4:23) Nzambi nɔmbaka anto asɔ dia vɔ mbeka akambo wa mɛtɛ w’oma lo Ɔtɛkɛta ande, Bible.—Adia 1 Timɔte 2:3-5.

Jehowa Nzambi ekɔ lo ntshumanya anto w’oma lo ɛtɛmwɛlɔ efula dia mbaetsha akambo wa mɛtɛ ndo dia vɔ mbokana ngandji. (Mika 4:2, 3) Ɔnkɔnɛ, wɛ koka mbeya wanɛ wele lo ɔtɛmwɛlɔ wa mɛtɛ oma lo woho wasalanɛwɔ akambo.—Adia Joani 13:35.

Mbetawɔ ndo yoho ya lɔsɛnɔ y’atɛmɔndi wa mɛtɛ mpikama lo Bible. (2 Timɔte 3:16) Vɔ nɛmiyaka lokombo laki Nzambi. (Osambu 83:18) Ndo vɔ mbetawɔka dia paka Diolelo diaki Nzambi mbayokandola ekakatanu w’anto. (Danyele 2:44) Vɔ mbokoyaka Yeso lo ‘mpɛtsha osase’ awɔ ndo lo salɛ anto akina awui w’ɛlɔlɔ. (Mateo 5:16) Ɔnkɔnɛ, Akristo wa mɛtɛ koka mbeyama lo woho watshɔwɔ tembola anto lawakawɔ l’oyango wa mbasambisha lokumu l’ɔlɔlɔ la Diolelo diaki Nzambi.—Adia Mateo 24:14; Etsha 5:42; 20:20.