Ekadimwelo lo ambola w’oma lo Bible
Ngande wakoka ana mbeka dia nanga Nzambi?
Kamba la wetshelo ɛmɔtshi wakondjaso oma l’etongelo dia nkimanyiya ɔnayɛ dia mbeya ndo nanga Nzambi
Anayɛ koka mbeka dia nanga Nzambi paka naka vɔ wekɔ la tolembetelo tɛnya dia nde ekɔ ndo nde mbaokaka ngandji. Dia vɔ nanga Nzambi, vɔ pombaka mbeeya. (1 Joani 4:8) Ɛnyɛlɔ, vɔ pombaka mbeya: Aki sangwelo diaki Nzambi etena kakandatonge onto? Lande na katshika Nzambi asui? Kakɔna kayosala Nzambi lo dikambo di’anto lo nshi yayaye?—Adia Filipɛ 1:9.
Dia nkimanyiya anayɛ dia nanga Nzambi, wɛ pombaka mbaɛnya dia wɛɛmɛ mboolangaka. Etena kayowɛna dui sɔ, mbayowokoka ndjela ɛnyɛlɔ kayɛ.—Adia Euhwelu k’Elembe 6:5-7; Tukedi 22:6.
Ngande wakokayɛ munanda etema w’anayɛ?
Ɔtɛkɛta wa Nzambi wekɔ la wolo w’efula. (Hɛbɛru 4:12) Ɔnkɔnɛ, nkimanyiya anayɛ dia mbeya wetshelo w’etatelu wa lɔkɔ. Dia munanda etema w’anto, Yeso akawaokaka ambola, akaahokamɛka ndo akaalembetshiyaka Afundelo. Dia munanda etena w’anayɛ, wɛ koka mbokoya toho ta mbetsha takakambaka la Yeso.—Adia Luka 24:15-19, 27, 32.
Laadiko dia laasɔ, ɛkɔndɔ wa lo Bible wɛnya woho wakasalɛka Nzambi anto akambo, koka nkimanyiya ana dia vɔ mbeya ndo nanga Nzambi. Ekanda wendana la dikambo sɔ tanemaka lo sitɛ kaso ka www.pr418.com.—Adia 2 Timɔte 3:16.