Philippines: Luudu la 2 lahanɛwɔ wa foto (Oma lo Ngɔndɔ ka samalo 2015 polo Ngɔndɔ ka samalo 2016)
Ɛmɛnyi wa Jehowa wa la Philippines wakashidiya elimu wendana la ɔlɔngɔswɛlɔ wa mvudu ya Bɛtɛlɛ kawɔ la Quezon City. Lo foto nyɛ, enda woho wakakambema olimu ndo woho wele wanɛ wakayakimɔ la lolango wakasha lonya ntatɛ oma lo Ngɔndɔ ka samalo 2015 polo Ngɔndɔ ka samalo 2016. L’ɔkɔngɔ wa ngɔndɔ ngana, mvudu yakashile nɔngɔswama dimɛna di’anto nkamba la yɔ, ndo osapwelo wakasalema lo Ngɔndɔ ka hende 2017.
Apami ndo wamato wekɔ lo nɔngɔsɔla dia mbidja ɛngɔ kɛmɔ kele oko kilalo kayosalema la béton lo mboka keteta anto:
Luudu 4 (Lɛnɛ adjasɛ anto)
Luudu 5 (Departɛma dia audio/vidéo, Departɛma di’olimu)
Luudu 6 (Biro ka Espaces verts, biro ka lɛnɛ alɔngɔsɔlawɔ mituka, ndo sudirɛ)
Luudu 7 (Departɛma di’awui w’ɔrdinatɛrɛ, dia wokelo (LDC), di’ɔlɔngɔswɛlɔ wa diangɔ, di’otomelo w’ekanda, ndo di’okadimwelo)
Ngɔndɔ ka samalo 15, 2015—Quezon City
Apami ndo wamato wekɔ lo nɔngɔsɔla dia mbidja ɛngɔ kɛmɔ kele oko kilalo kayosalema la béton lo mboka kayokakatanya Luudu 1, 5, ndo 7.
Ngɔndɔ ka samalo 15, 2015—Luudu 5
La ntondo ka vɔ ntatɛ elimu, etshudi w’abaya wekɔ lo menda dikongelo diakalɔngɔsɔma oma le Departɛma diendana la wokelo (RDC) l’Asie ndo lo Pacifique. Lo Ngɔndɔ ka sato 2016, wakanya departɛma sɔ oma lo Bɛtɛlɛ ka l’Australie ko vɔ ditɔla lo Bɛtɛlɛ ka la Philippines.
Ngɔndɔ ka samalo 23, 2015—Quezon City
Wekɔ lo takambe la mashinyi welɛwɔ pelleteuse dia ndanya mboka kɛmɔtshi kakasalema la béton l’oyango wa vɔ ntshima afuku. Lo afuku akɔ mbayowodja ɛlɔnda w’eyoyo w’ashi wa tshitshi ndo woho wa mbidjaka tshitshi lo mvudu tshɛ oma lo dihole ɔtɔi.
Ngɔndɔ k’esambele 20, 2015—Quezon City
Wadi l’omi amɔ w’oma lo États-Unis wakayakimɔ la lolango wekɔ lo ndjalɔngɔsɔla dia mbidja sudirɛ lo mbolo yayowodja dia nsala ɛngɔ kɛmɔ kele oko kilalo lo mboka keteta anto.
Ngɔndɔ k’esambele 20, 2015—Quezon City
Apami wekɔ lo nkundɛ ɛlɔnda w’ashi wa tshitshi lam’asa Luudu 4 ndo 5.
Ngɔndɔ ka divwa 18, 2015—Luudu 5
Otshudi w’abaya ongo ekɔ lo nkamba la mashinyi wakolawɔ nsɛti dia nde mbidja didishi.
Ngɔndɔ ka divwa 18, 2015—Luudu 5
Wekɔ lo tadje tapi. Lam’ele Departɛma dia audio/vidéo mbaleka nkamba la etajɛ wa hende w’otondo wa Luudu 5, wekɔ lo tadje tapi diaha londjo mbokɛmaka lɛkɔ.
Ngɔndɔ ka dikumi 22, 2015—Luudu 5
Wekɔ lo takite mukubu washa esase wa wonya l’andja wa luudu lele la waa biro. Esase wa wonya kɔmamaka lo mukubu ɔnɛ ko vɔ ngamulaka esase, kɛsɔ kimanyiyaka dia tshitshi monga l’etei ka luudu ndo diaha vɔ ndeka nkamba la kura.
Ngɔndɔ ka hende 10, 2016—Luudu 4
Pami kengo ekɔ lo tanya abaya wakawadje etena kakawatakaka ehele ka lokombo. Luudu 4, lekɔ la etajɛ ehende, lɔkɔ mbahangiyawɔ ambeki wa lo waa kalasa ya weho la weho ya Bible.
Ngɔndɔ ka hende 10, 2016—Luudu 4
Onto ɔmɔ la lo ekipɛ kenda awui wa wodjelo wa djungudungu, hiɛlɛlɛ ndo tshitshi lo mvudu ekɔ lo mɔmba ɛlɔnda w’ashi wa tshitshi. Wɔmbɛlɔ ɔsɔ kimanyiyaka di’ɛlɔnda w’ashi wa tshitshi kambema dimɛna ndo kitshakitshaka okamelo w’ashi.
Ngɔndɔ ka hende 16, 2016—Luudu 4
Onto ɔmɔ leya awui wa kura l’oma l’Australie ekɔ lo nsɛdingola disjoncteur dimɔ dia lo madimadi wa kura. Wakalɔmbɛ anto wele la diewo ndekana 100 w’oma l’ahole akina dia ndjokimanyiya la Philippines l’olimu w’ɔlɔngɔswɛlɔ.
Enda ndo lo...
AMBOLA WALEKA ANTO NDJAOKA
Oma lende aya falanga yakimanyiya Ɛmɛnyi wa Jehowa dia nkamba olimu awɔ?
Yanga dia mbeya woho watatetemala olimu aso w’esambishelo wakambema l’andja w’otondo ntshɔ otsha la ntondo aha l’ɛkɔngɔ salema ndo aha la tenyi dia dikumi kimɔma.