Mbalasa kalɔmbɔla olimu aso l’andja w’otondo tanemaka l’États-Unis d’Amérique. Koko, sho keema yaato y’ɔtɛmwɛlɔ y’ase Amɛrikɛ l’ɔtɛ w’ɛkɔkɔ wayela ɛnɛ:

•   Anto amɔtshi mbutaka dia yaato y’ɔtɛmwɛlɔ ekɔ djui yatwe oma lo ɔtɛmwɛlɔ ɔmɔtshi wa woke. Ɛmɛnyi wa Jehowa kombatɔ oma lo ɔtɛmwɛlɔ ɔmɔtshi. Koko tekɔ la eshikikelo dia tambokaloya Lokristo la mɛtɛ laki lo ntambe ka ntondo.

•   Ɛmɛnyi wa Jehowa wekɔ l’ohetoheto l’olimu awɔ w’esambishelo lo wedja ndo bɛtshi dia nkɛtɛ ndekana 230. Oyadi dihole diakɔna diasɛnaso, sho mongaka ntondo la kɔlamelo otsha le Jehowa Nzambi ndo le Yeso Kristo, koko aha otsha le lowandji la l’États-Unis kana otsha le lowandji lokina l’ana w’anto.​—Joani 15:19; 17:15, 16.

•   Wetshelo aso tshɛ mpikama lo Bible, koko aha lo efundelo w’owandji ɔmɔtshi w’ɔtɛmwɛlɔ wa l’États-Unis.​—1 Tɛsalɔnika 2:13.

•   Sho ndjelaka Yeso Kristo koko aha ɔnɔmbɔdi ɔmɔtshi w’ana w’anto.​—Mateo 23:8-10.