Onde Ɛmɛnyi wa Jehowa wekɔ la mbetawɔ le Yeso?
Eelo. Tekɔ la mbetawɔ le Yeso lakate ate: “Dimi lekɔ mboka, mɛtɛ ndo lɔsɛnɔ. Ndooko onto laya le Papa paka lo tshimbo yami.” (Joani 14:6) Tekɔ la mbetawɔ dia Yeso akaye la nkɛtɛ oma l’olongo ndo akakimɔ lɔsɛnɔ lande l’onto la kokele oko oshinga w’etshungwelo. (Mateo 20:28) Nyɔi ndo eolwelo kande kayokimanyiya wanɛ wele la mbetawɔ le nde dia nkondja lɔsɛnɔ la pondjo. (Joani 3:16) Tekɔ la mbetawɔ nto ɔnɛ Yeso ekɔ lo mbolɛ oko Nkumekanga ka Diolelo diaki Nzambi dia l’olongo, ndo keema edja diɔ diayanga mbela wɔladi lo nkɛtɛ k’otondo. (Ɛnyɛlɔ 11:15) Koko, Yeso akate hwe ate: “Papa ndekami.” (Joani 14:28) Ɔnkɔnɛ, sho hatɔtɛmɔla Yeso ndo hatetawɔ dia nde ekɔ Nzambi Kanga-Wolo-Tshɛ.