Onde Ɛmɛnyi wa Jehowa wekɔ Akristo?
Eelo. Sho tekɔ Akristo l’ɔtɛ w’ɛkɔkɔ ɛnɛ:
Sho salaka la wolo dia ndjela wetshelo ndo dionga dia Yeso nna lo nna.—1 Petero 2:21.
Tekɔ la mbetawɔ ɔnɛ Yeso mbakimanyiya anto dia nkondja panda ndo ɔnɛ “ndooko lokombo lokina lakashama le anto l’ɛse olongo lahomba toshimbɛ.”—Etsha 4:12.
Etena kakoma anto Ɛmɛnyi wa Jehowa vɔ batizamaka lo lokombo la Yeso.—Mateo 28:18, 19.
Sho salaka alɔmbɛlɔ aso lo lokombo la Yeso.—Joani 15:16.
Tekɔ la mbetawɔ ɔnɛ Yeso mbele Ɔtɛ kana ɔnɛ lakasɔnama dia monga la lowandji laadiko di’onto tshɛ.—1 Kɔrɛtɔ 11:3.
Koko lo toho efula, sho ntshikitana la elui ekina wata di’Akristo mbewɔ. Ɛnyɛlɔ, sho mbetawɔka dia Bible mbetshaka ɔnɛ Yeso ekɔ ɔna Nzambi koko aha onto ɔmɔtshi la lo Losato l’osanto. (Makɔ 12:29) Sho hatetawɔ ɔnɛ anima havu, hatetawɔ ɔnɛ ekɔ ɔkɔkɔ ɔmɔtshi wohikami lo Afundelo wata ɔnɛ Nzambi soyaka anto lo dja ya pondjo, kana ɔnɛ wanɛ walɔmbɔla lo ɛtɛmwɛlɔ pombaka monga la titrɛ yawadiya la diko di’anto akina.—Ondaki 9:5; Ɛzɛkiyɛlɛ 18:4; Mateo 23:8-10.
Enda ndo lo...
AMBOLA WALEKA ANTO NDJAOKA
Onde Ɛmɛnyi wa Jehowa wekɔ la mbetawɔ le Yeso?
Enda lande na kele monga la mbetawɔ le Yeso ekɔ ohomba le Akristo wa mɛtɛ.
AMBOLA WALEKA ANTO NDJAOKA
Lande na kele Ɛmɛnyi wa Jehowa hawokambe la kurusɛ l’ɔtɛmwɛlɔ awɔ?
Kaanga mbele sho Ɛmɛnyi wa Jehowa tekɔ Akristo, sho hatokambe la kurusɛ l’ɔtɛmwɛlɔ aso? Lande na?
AWUI WENDANA LA SO
Lande na mbeka Bible?
Bible mbishaka ekadimwelo lo ambola w’ohomba wayaoka miliyɔ y’anto l’andja w’otondo. Wɛ nangaka monga ɔmɔtshi la l’atei awɔ?
AWUI WENDANA LA SO
Lɔmba dia onto ɔmɔtshi ndjokenda
Nyɔkɛtshanya dimbola dimɔtshi di’oma lo Bible, kana nyɔkɛtshanya awui efula wendana la Ɛmɛnyi wa Jehowa.