“Tosambisha lokumu l’ɔlɔlɔ!”
Losanganya la woke l’Ɛmɛnyi wa Jehowa la lo 2024
Losanganya lɔnɛ lekɔ ofele • Hawosale ɛkɔngɔ
Awui w’ohomba wa l’ekongelo
Lushi la tanu: Tayɛna tolembetelo tashikikɛ dia lokumu l’ɔlɔlɔ lendana la Yeso lele lo Envajiiɔ ekɔ ɔkɔndɔ wa mɛtɛ wa lɔsɛnɔ lande. Tayɛna wahɔ wakokaso nkondja ɛlɔ kɛnɛ oma l’ɛkɔndɔ wele lo Bible ɛsɔ.
Lushi la samalo: Kakɔna kakatatami lo dikambo dia eotwelo ka Yeso ndo dia lɔsɛnɔ lande l’ɔna dikɛnda? Onde awui asɔ wakakotshama?
Lushi la lomingu: Lo sawo di’oma lo Bible diele l’ɔtɛ a dui ɔnɛ: “Ɔkɔkɔ wahatoke nsango ya kɔlɔ wɔma,” tayɛna woho wele miliyɔ y’anto ɛlɔ kɛnɛ wekɔ l’ɛkɔkɔ wa ndjaoka dimɛna ndo hawayaaya kaanga mbataleke awui wa l’andja ɔnɛ ntshɔ lo kɔlɔ.
Dramɛ
Lokumu l’ɔlɔlɔ lendana la Yeso: Etenyi 1
Osase wa mɛtɛ w’andja
Woho wakotɔ Yeso lo dihindo aki dui dia ntondo l’efula k’awui wa diambo wakete etena kaki Yeso dikɛnda. L’ɔtɛ wakayange nkumekanga dia mbodiaka, ambutshi ande wakalawɔ lande otsha l’Edjibito. L’ɔkɔngɔ diko, nde akayambiyaka kaanga embetsha wa lokumu wa lo nshi yande. Tayɛna awui asɔ ndo akina l’etenyi ka dramɛ ka lushi la Tanu ndo ka lushi la Samalo.
Enda tovidɛo tayela tɔnɛ ta losanganya l’ɔnɔnyi ɔnɛ
Kakɔna keta lo nsanganya yaso ya weke?
Onga la kanyi lo kɛnɛ kayoyotɛna lo losanganya la woke l’Ɛmɛnyi wa Jehowa.
Losanganya la woke l’Ɛmɛnyi wa Jehowa la lo 2024: “Tosambisha lokumu l’ɔlɔlɔ!”
Enda kɛnɛ kayotɛna lo losangana l’ɔnɔnyi ɔnɛ.
Awui wa lo dramɛ: Lokumu l’ɔlɔlɔ lendana la Yeso
Anto efula mbeyaka woho wakotɔ Yeso lo dihindo. Ko awui akɔna wakete la ntondo ndo l’ɔkɔngɔ wa eotwelo kande kɛsɔ?