Wembwelo waa Bɛtɛlɛ
Sho kɔlɔmbaka la wangasanu tshɛ dia membola biro ya filialɛ, yelamɛ mbala efula ɔnɛ Bɛtɛlɛ. Biro yaso mɔtshi yekɔ la kɛnɛ kakimanyiya onto dia nsala wembwelo aha l’onto mbɔlɔmbɔla.
Wembwelo wa waa Bɛtɛlɛ nto: Lo wedja efula, tayokalolɛ nto wembwelo wa waa Bɛtɛlɛ lo Ngɔndɔ ka samalo 1, 2023. Dia mbeya awui akina, mbola Bɛtɛlɛ ka lo wodja anyu. Lam'alangɛ, toyake ndjembola Bɛtɛlɛ naka wɛ oma la nsala egzamɛ wa COVID-19 ko wɛ ekɔ la tɔ, kana ekɔ la lɔkɔsu, ɛhɛngahɛnga kana oki kaamɛ l'onto ɔmɔtshi lele la COVID-19.
États-Unis
Ewoya la ntondo ka wɛ ndjosala wembwelo
Onde wɛ pombaka tewoyisha la ntondo ka ndjosala wembwelo? Eelo. Dia mbewɔ diaha anto ndjonga efula ndo dia onto tshɛ nkondja wahɔ tshɛ lo tshɛ lo wembwelo ande, sho nɔmbaka wanɛ waya dia ndjembola dia tewoyisha la ntondo, oyadi lofulo la ngande l’anto lewɔ.
Onde wɛ kokaka ndjembola oyadi kaanga wɛ hewoyisha la ntondo? Naka wɛ hatewoyisha la ntondo, kete ondo koka monga wolo dia sho ndjokolongola. Ahole wele la so tɔlɔmbaka dia nongola paka anto yema tshitshɛ tsho lo lushi.
Wonya akɔna wahombayɛ nkoma dia ndjosala wembwelo ayɛ? Dia mbewɔ diaha ndjonga anto efula, lam’alangayɛ toyake wonya ɔtɔi la ntondo ka wonya wakayewoya dia ndjembola Bɛtɛlɛ.
Ngande wahombayɛ tewoyisha la ntondo? Dia mbewoya la ntondo ka ndjosala wembwelo naka nyekɔ l’ɛse ka lofulo l’anto 20, klikɛ lam’ofundjiwɔ ɔnɛ “Ewoya la ntondo ka wɛ ndjosala wembwelo—Naka nyekɔ l’ɛse ka lofulo l’anto 20.” Kana klikɛ lam’ofundjiwɔ ɔnɛ “Ewoya la ntondo ka wɛ ndjosala wembwelo—Naka nyekɔ l’ɛse ka anto 20 kana ndekana.”
Onde wɛ kokaka tshikitanya kana mbitola lushi lahombayɛ nsala dia ndjembola? Eelo. Klikɛ lam’ofundjiwɔ ɔnɛ: “Enda kana tshikitanya lushi lahombayɛ ndjosala wembwelo.”
Kakɔna kayoyosala naka hawokonge wembwelo lo datɛ diakayalɔngɔsɔla dia ndjembola? Tetemala la nyanga lo sitɛ k’Ɛtɛrnɛtɛ. Wanɛ wembola mongaka nshi tshɛ suke etena katshikitanyawɔ kana katolawɔ adatɛ wa wembwelo.
Wembwelo
Warwick
1 Kings Dr.
TUXEDO PARK, NY 10987
ÉTATS-UNIS
+1 845-524-3000
Awui amɔtshi wasalema
Wembwelo w’onto ndamɛ wa mize
Bible ndo lokombo la Nzambi. Mize ɔnɛ wekɔ la Bible efula yahayoleka mɛnama ndo vɔ ndekaka mɛnya woho wakakokamɛ lokombo la Nzambi lo Afundelo kaanga mbakawadje welo wa mbolinya. Nyayɛna l’etenyi kɛmɔtshi ka mize, Bible yahayoleka mɛnama ndo diangɔ di’edjedja diendana la Bible.
Anto wakasɔnama dikambo dia lokombo la Jehowa. Mize ɔnɛ mɛnyaka ɔkɔndɔ wa sango dia lo nyuma di’Ɛmɛnyi wa Jehowa. Diangɔ di’edjedja, asango ndo ɛkɔndɔ w’anto w’edjedja wɛnya woho wakayalɔmbɔlaka Jehowa ekambi ande, woho wakandayawaetshaka ndo woho wakandaakongɛ dia nsala lolango lande.
Mbetawɔ kawɔ mɛnamaka l’etsha ka lo Mbalasa kalɔmbɔla olimu aso wa l’andja w’otondo. Mize wakotola yambalo y’anto efula ɔnɛ, mɛnyaka olimu wakamba ase Olui-walɔmbɔla ndo woho wakimanyiyawɔ Ɛmɛnyi wa Jehowa dia ndjela ɛlɔmbwɛlɔ k’oma lo Bible ka sanganaka kaamɛ, sambishaka, ndeshamaka lo nyuma ndo dia mɛnyanya ngandji lam’asawɔ.
Wembwelo
Wembwelo ɔsɔ wayonyokimanyiya dia nyu mɛna mvudu mɔtshi yele la waa biro yakambema elimu ndo sɛkɛ dia Warwick diele la waa peluze.
Patterson
100 Watchtower Dr. (2891 Route 22)
PATTERSON, NY 12563
ÉTATS-UNIS
+1 845-306-1000
Awui amɔtshi wasalema
Sho sangaka asango wa lo ekanda aso ndo sho mbidjaka awui l’eshinga ndo tovidɛo. Wembwelo mendanaka ndo la membola kalasa ya Bible yasha anto wetshelo.
Wallkill
900 Red Mills Rd.
WALLKILL, NY 12589
ÉTATS-UNIS
+1 845-744-6000
Awui amɔtshi wasalema
Ɔnɔnyi tshɛ sho ɛprimɛka ekanda walembetshiya Bible ndekana miliyɔ 25. Sho tomaka ekanda lo ɛtɛkɛta ndekana 360 lo filialɛ ya l’andja w’otondo ndo lo tshumanelo ndekana 15 000 dia Ɛmɛnyi wa Jehowa dia lo États-Unis, Canada ndo dia lo Caraïbes.