Wembwelo waa Bɛtɛlɛ
Sho kɔlɔmbaka la wangasanu tshɛ dia membola biro ya filialɛ, yelamɛ mbala efula ɔnɛ Bɛtɛlɛ. Biro yaso mɔtshi yekɔ la kɛnɛ kakimanyiya onto dia nsala wembwelo aha l’onto mbɔlɔmbɔla.
Wembwelo wa waa Bɛtɛlɛ nto: Lo wedja efula, tayokalolɛ nto wembwelo wa waa Bɛtɛlɛ lo Ngɔndɔ ka samalo 1, 2023. Dia mbeya awui akina, mbola Bɛtɛlɛ ka lo wodja anyu. Lam'alangɛ, toyake ndjembola Bɛtɛlɛ naka wɛ oma la nsala egzamɛ wa COVID-19 ko wɛ ekɔ la tɔ, kana ekɔ la lɔkɔsu, ɛhɛngahɛnga kana oki kaamɛ l'onto ɔmɔtshi lele la COVID-19.
Israël
Ewoya la ntondo ka wɛ ndjosala wembwelo
Onde wɛ pombaka tewoyisha la ntondo ka ndjosala wembwelo? Eelo. Dia mbewɔ diaha anto ndjonga efula ndo dia onto tshɛ nkondja wahɔ tshɛ lo tshɛ lo wembwelo ande, sho nɔmbaka wanɛ waya dia ndjembola dia tewoyisha la ntondo, oyadi lofulo la ngande l’anto lewɔ.
Onde wɛ kokaka ndjembola oyadi kaanga wɛ hewoyisha la ntondo? Naka wɛ hatewoyisha la ntondo, kete ondo koka monga wolo dia sho ndjokolongola. Ahole wele la so tɔlɔmbaka dia nongola paka anto yema tshitshɛ tsho lo lushi.
Wonya akɔna wahombayɛ nkoma dia ndjosala wembwelo ayɛ? Dia mbewɔ diaha ndjonga anto efula, lam’alangayɛ toyake minitɛ 15 la ntondo ka wembwelo ayɛ.
Ngande wahombayɛ tewoyisha la ntondo? Klikɛ lam’ofundjiwɔ ɔnɛ “Ewoya la ntondo ka wɛ ndjosala wembwelo.”
Onde wɛ kokaka tshikitanya kana mbitola lushi lahombayɛ nsala dia ndjembola? Eelo. Klikɛ lam’ofundjiwɔ ɔnɛ: “Enda kana tshikitanya lushi lahombayɛ ndjosala wembwelo.”
Kakɔna kayoyosala naka hawokonge wembwelo lo datɛ diakayalɔngɔsɔla dia ndjembola? Tetemala la nyanga lo sitɛ k’Ɛtɛrnɛtɛ. Wanɛ wembola mongaka nshi tshɛ suke etena katshikitanyawɔ kana katolawɔ adatɛ wa wembwelo.
Wembwelo
Awui amɔtshi wasalema
Tekɔ lo nkadimola ekanda walembetshiya Bible lo Hɛbɛru ndo l’Ɔtɛkɛta w’akanga wa mpoke w’ase Israël. Tekɔ lo nsukɛ tshumanelo dia lo wodja.