L’ɛnɔnyi engana wetshi, anangɛso l’akadiyɛso wa la Haïti wakadiɛnɛ l’etombelo wa kɔlɔ w’oma le dengalenga ndo l’ɔtɛ wakafulanɛ awui wa kɔlɔ. Awui wa kɔlɔ wakasalema efula lo Port-au-Prince kapitalɛ ka wodja wa Haïti, ntatɛ oma lo Ngɔndɔ ka sato 2, 2024, etena kakɔtɔ olui wa dengalenga dia tolaanya mvudu ndo diangɔ dikina di’ohomba. Ewandji wa lɛɛta wakashimbe anto dia mbeteta l’otsho ndo wakalɔmbɛ ekimanyielo oma le wedja ekina. Alapɔlɔ mɛnyaka di’anto oya lo 15 000 wakatshutshuyama dia ndawɔ otsha l’ahole w’ekokelo wa lo wodja ndo anto akina efula wakavu.

• Ndooko ɔnangɛso kana kadiyɛso kakahomɔ kana ndjakema

• Anangɛso ndo akadiyɛso 113 wakatshutshuyama dia monɔ oma lo ngelo yawɔ

• Mvudu 2 yakalanyema

• Nkumbo 5 yakashisha diangɔ diawɔ

• Ndooko Mbalasa ka Diolelo kakalana

• Kɔmite 4 yasha ekimanyielo yakalongola ɔkɛndɛ wa nɔmbɔla ekimanyielo kakahombe mbishama l’ɛtshi ka nkɛtɛ kalɔmbɔla Bɛtɛlɛ ka lɛkɔ

• Emendji w’etshimbedi ndo dikumanyi wekɔ lo mbisha anangɛso l’akadiyɛso wadiɛnɛ l’etombelo wa kɔlɔ ɛsɔ ekimanyielo ka lo demba ndo lo nyuma, mbidja ndo le wanɛ wakalawɔ l’ɔtɛ w’awui wa ngala asɔ.

Oko weso nkumbo ɔtɔi, tekɔ lo nɔmba dia Jehowa mbisha anangɛso ndo akadiyɛso wa la Haïti lomba ndo kii ka l’otema lo ntena dia paa nɛ. Kaamɛ lawɔ, tekɔ lo nongamɛ ekotshamelo ka daka dia Jehowa di’andja w’oyoyo ‘wayofulanɛ wɔladi.’​—Osambo 72:7.