Ambeta ɛnɔnyi akumi wele elola ka kɔlɔ efula ka ngasɔ katonge la Nigéria, elola kɛsɔ kakonge l’ɔkɔngɔ wa mvula ngembe. Ahole wakataleke danya ele lo Sidɛ ndo l’omamu wa ndjale ka Niger ndo ka Bénoué. Elola kɛsɔ kakalanya mvudu ndo dalo, kakoonola anto ndekana miliyɔ ɔtɔi ndo anto 600 wakadiakema. Agence nationale de gestion des urgences au Nigéria wakate dia ɔsɔ aki “mpokoso ka woke efula.” Ewandji wakewoya ɔnɛ, lam’ele elola kambolanya diangɔ efula ndjala kayoyala.

• Ndooko ɔnangɛso kana kadiyɛso kakavu

• Apandjudi 4 074 wakatakɔ ngelo yawɔ

• Mvudu 900 yakadinde l’elola

• Mvudu 180 yakalanyema

• Mbalasa ya Diolelo 70 ndo Mbalasa ka nsanganya ya weke 1 kakalanyema

• Kɔmite 4 yakimanyiya anto wahomana la mpokoso yakakengama

• Wakasha Apandjudi wokatakɔ ngelo yawɔ diangɔ dia ndɛ, ahole wambidjasɛ ndo diangɔ dikina diaki la wɔ ohomba.

• Dikumanyi ndo Emendji w’etshimbedi wa lekɔ wakasha ekimanyelo ka lo nyuma ndo ka lo demba.

• Ekimanyelo kɛsɔ tshɛ kakashama lo nɛnya tɛdikɔ t’ekokelo tendana la hemɔ ka COVID-19.

Tekɔ la lowando lo mɛna dia kaanga kasɛnaso lo tena dia paa, Jehowa ekɔ lo ntetemala mbidja ekambi ande lo “hiombo yande lushi la mpokoso,” oyadi lo nyuma kana lo demba.​—Osambo 27:5.