Tuminadi ta l’osomba wa Kondopoga lo République de Carélie kayanga mpembola onongo wendana l’ɔnangɛso Alekseï Smelov. Prɔkirɛrɛ akawodje kibawo ka 500 000 roubles (mbuta ate suke la dɔlara 6 410 di’ase Amɛrikɛ).

1. Ngɔndɔ k’esambele 23, 2019

   Ewandji wa wodja wakalɔmbɛ di’ɔnangɛso Alekseï nomboshama, nɛ dia vɔ wakataka dia nde aki ɔmɔtshi l’atei w’ɛnɔmbɔdi w’ɔtɛmwɛlɔ wakashimbama, ekɔ lo nkongɛ nsanganya ndo ekɔ lo ndjakimɔ “l’elimu wa prɔpagandɛ”

2. Ngɔndɔ k’esambele 31, 2019

   Wanɛ wakamba lo FSB wakatshu lo mvudu 15 y’Ɛmɛnyi wa Jehowa ndo l’ahole awɔ w’olimu l’osomba wa Kondopoga ndo wa Petrozavodsk. Anto asɔ wakɔtɔ lo luudu laki Smelovs lo mbatɛ dia vɔ wekɔ waa plombiers, ko wakatatɛ nsɛnga luudu lɔsɔ. Ɔnangɛso Alekseï nde la wadɛnde Irina, wakatɔlama otsha lo biro wa FSB dia vɔ towaoka ambola. Oma laasɔ, ɔnangɛso Alekseï akatɔlama otsha la FSB la Petrozavodsk. Otsha l’eshidi 11:30’ w’otsho, vɔ wakokimɔ, koko wakawodjangɛ diaha nde ntomba l’andja k’osomba

3. Ngɔndɔ k’enanɛi 7, 2019

   Tuminadi takate di’ɔnangɛso Alekseï ekɔ l’onongo lo ndjela Article 282.2 w’ɔlɛmbɛ wa wodja wa Russie

4. Ngɔndɔ ka nɛi 9, 2020

   Eyangelo wakatokoyemadjama l’ɔtɛ wa hemɔ ka COVID-19

5. Ngɔndɔ ka samalo 8, 2020

   Eyangelo wakatatɛ nto

L’ɛnyɛlɔ ka Alekseï, tekɔ l’eshikikelo dia Jehowa ayotetemala “mɛnya wolo ande lo wahɔ wa wanɛ” tshɛ wadiɛnɛ l’ɛhɛnyɔhɛnyɔ.​—2 Ɛkɔndɔ 16:9.