Lushi l’ɔtɔi, Ngɔndɔ k’enanɛi 3, 2020, tominadi ta l’ɛtshi ka nkɛtɛ ka Pskov takɔshi yɛdikɔ ya ntondja ɔnangɛso Gennady Shpakovskiy oma lo lokanu. Tominadi takashikikɛ dia nde ekɔ l’onongo, koko lo dihole dia nde mbetsha ɛnɔnyi esamalo l’etenyi wa lokanu oko wakawofundɛ, nde ayonga oko onto layendamaka oma le tominadi l’edja k’ɛnɔnyi esamalo l’etenyi. Wenya engana eto l’ɔkɔngɔ wa yɛdikɔ ya tominadi, anangɛso Shpakovskiy akakimɔma. Naka prɔkirɛrɛ ambɛna ohomba wa ntshikitanya yɛdikɔ yande, nde ayoyitshikitanya.