Lo Ngɔndɔ ka dikumi l’ahende 19, 2023, ɔnangɛso Vladimir Balabkin akatondjama oma lo lokanu l’ɔkɔngɔ wa Ngɔndɔ olekani shato lo ndjela ɛnɔnyi ɛnɛi wakawɔsɛkɛ. Nde akatɔlama lo lokanu lo Ngɔndɔ ka divwa 13, 2023. Vladimir akɛmbɛ dikambo diande otsha le ewandji wa laadiko. Toshushi tosato takahokamɛ dikambo diande wakatola yɛdikɔ ya ntondo. Ɔnkɔnɛ, wakakitshakitsha dilanya diande oma l’ɛnɔnyi ɛnɛi oya l’ɔnɔnyi ɔtɔi.

Etena kakawolomboshaka, Vladimir akate la dihonga tshɛ ate: “Mbetawɔ ndo dietawɔ diami ndja oma lo Bible, Ɔtɛkɛta wa Nzambi. Bible kakakimanyiya dia nkɛnɛmɔla waonga walanga Otungi aso mɛna le anto, ɛnyɛlɔ oko: ɔlɔlɔ w’otema, ɔlɔlɔ, solo dia lotutsha ndo ndjakimɛ. Dimi la nkumbo kami takakondja wahɔ. Dimi nangaka di’anto tshɛ ndjaekesanyiya l’Ɔtɛkɛta wa Nzambi nɛ dia vɔ koka ntshikitanya nsɛnɔ yawɔ lo yoho ya dimɛna.”

Sho ngɛnangɛnaka kaamɛ l’ɔnangɛso Vladimir nde la nkumbo kande, etena katetemalaso nama lo yimba wanɛ wele lo kanu tele l’eshikikelo dia Jehowa ayɔtshɔkɔla ekikelo kawɔ.​—Hɛbɛru 10:34.