Lo Ngɔndɔ ka ntondo 24, 2023 tominadi ta laadiko ta Kuznetsk la Novokuznetsk, l’ɛtshi ka nkɛtɛ ka Kemerovo takasɛkɛ ɔnangɛso Sergey Sushilnikov lokanu l’ɛnɔnyi esamalo. L’etena kɛnɛ, watawodje lo lokanu.

1. Ngɔndɔ ka dikumi l’ɔtɔi 2019

   Anyangiyangi wambotatɛ mpokamɛ asawo wasawola Sergey lo telefɔnɛ ndo wambotatɛ nsala vidɛo y’awui weta lo luudu lande

2. Ngɔndɔ ka samalo 3, 2021

   Wambotatɛ nyanga dia mbosha dilanya

3. Ngɔndɔ ka samalo 8, 2021

   Wambɔsɛnga luudu lande. Wambotshɔ la Sergey nde la wadɛnde dia towaoka ambola

4. Ngɔndɔ k’esambele 15, 2021

   Wambokotsha lokombo lande lo listɛ la dengalenga dia lo wodja ndo wambashimba dia mbɔsa falanga yawɔ oma lo bankɛ

5. Ngɔndɔ ka hende 8, 2022

   Wamboofunda dia nde ekɔ lo nkongɛ ndo ntetemala nsala awui w’okangamelo wa kɔlɔ. Wambooshimba diaha nde ntomba oma lo wodja

6. Ngɔndɔ ka sato 30, 2022

   Kilombo kambotatɛ

Sho keketshamaka lo mbeya dia Jehowa ayokimanyiyaka ekambi ande wa kɔlamelo lo “tena di’asui.”​—Osambo 46:1.