Lo Ngɔndɔ ka ntondo 25, 2022, Tominadi ta lo distrikɛ dia Troussovskiy ta lo ɛtshi ka nkɛtɛ k’Astrakhan takate dia kadiyɛso Anna Safrornova lele l’ɛnɔnyi 56 ekɔ l’onongo ndo wakofundɛ lokanu l’ɛnɔnyi esamalo. Nde akadjama mbala kakɔ ɔtɔi lo lokanu.

1. Ngɔndɔ ka tanu 28, 2021

   Wakatatɛ mbesana la kadiyɛso dia mbolombosha

2. Ngɔndɔ ka samalo 2, 2021

   Ewandji wa lɛɛta wakas\ng\ lo luudu lande lakandadjasɛka kaamɛ la mama kande kaki l’ɛnɔnyi 81. Anna akatɔlama lo lokanu

3. Ngɔndɔ ka samalo 3, 2021

   Wakotondja oma lo lokanu ndo wakoshimbe diaha ntomba oma lo lokombo. Wakawodjangɛ diaha nde ntomba l’andja onyake dia nsembola ekolo oshidi wa tango ɔtɔi l’asa eshidi 9:00 la eshidi 10:00

4. Ngɔndɔ ka samalo 10, 2021

   Lokombo lande lambodjama lo listɛ l’anto wasala awui wakashimbama ndo wakadihe kkɔntɛ yande tshɛ ya lo bankɛ

5. Ngɔndɔ ka ntondo 24, 2022

   Nde ambota awui ande w’ekomelo la ntondo ka tominadi ate: “Yeso aketsha ambeki ande lo Mateo 5:44 dia ‘nanga atunyi awɔ ndo nɔmba dikambo dia wanɛ waahɛnyahɛnya. Lande na? Nɛ dia efula ka wanɛ wakahɛnyahɛnyaka ekambi wa Nzambi wakayokomaka atɛmɔdi wa Jehowa.

   “Lekɔ l’eshikikelo dia l’atei wa wanɛ wakamba lo tshunda dia FSB, wanɛ wasala waa akɛtɛ, anami wa nkanu, waa avɔka ndo anto wapokamɛ ndo wɛna lɔkɛwɔ lami, onto kaanga ɔtɔi l’atei ayotshikitanya ekanelo kande otsha le Ɛmɛnyi wa Jehowa. . . Ondo l’edjedjaa ka wonya, kaanga onto ɔtɔi ayoyolanga mbadia Bible, nkondja ekadimwelo lo ambola, mfudia nsaki ka mbeka dia mbeya Nzambi kana ndjokoma okambi ande.”

6. Ngɔndɔ ka ntondo 25, 2022

   Wambota dia nde ekɔ l’onongo ndo wambowɔsɛkɛ lokanu l’ɛnɔnyi esamalo

Tekɔ lo keketshama la bɛnyɛlɔ di’anangɛso l’akadiyɛso wa kɔlamelo wele la Russie la Crimée etena kendɛso le Shɛso lele l’olongo latokeketsha dia mbikikɛ.​—2 Tɛsalɔnika 1:4.