Eelo. Yeso akɛnya di’ambeki ande koka nyanga esakelo k’aseka enganga etena kakandate ate “anto wele alemba ki hawotoyangaka onganga, paka anto wele la hemɔ.” (Mateo 9:12) Kaanga mbele Bible keema dibuku di’aseka enganga, tɔ mbishaka atɔndɔ wakoka nɔmbɔla wanɛ walanga ngɛnyangɛnya Nzambi.

Ambola wakokayɛ ndjambola

 1. Onde dimi shihodiaka mɛtɛ esakelo kalangawɔ mbishami? Bible tokeketshaka dia ndjaɛkɛ lo tokanyi ta shikaa lo dihole dia ‘mbetawɔ ɛtɛkɛta tshɛ.’​—Tokedi 14:15.

 2. Onde halokoke mimbola kanyi ya dɔkɔtɛlɛ dia hende kana dia sato la ntondo ka dimi mbɔsa yɛdikɔ? Koka monga ohomba wa “andaki efula” djekoleko etena keyɛ la hemɔ ka wolo.​—Tokedi 15:22.

 3. Onde esakelo kɛnɛ kayoyokonya dia mɔnyɔla ɔlɛmbɛ wa Nzambi wata dia “nsɛka . . . dikila”?​—Etsha 15:20.

 4. Onde vɔ kambaka l’ɛdiɛngɛ dia mbeya hemɔ kooka onto kana dia mbisha esakelo? Bible tonaka “diɔtɔnganelo dia la ɛdiɛngɛ.” (Ngalatiya 5:19-21) Dia nshikikɛ dia kana awui w’ɛdiɛngɛ wekɔ, wɛ mbeyaka ndjambola wate:

•   Onde onto lasakɛ ekɔ la diɔtɔnganelo l’ɛdiɛngɛ?

•   Onde esakelo kayangawɔ mbishami mpikama lo dietawɔ di’ɔnɛ hemɔ ndjaka oma le tozambizambi kana oma le atunyi wele alɔka?

•   Onde onto lasakɛ nambolaka elambo, kambaka la maji, la diangɔ dimɔtshi kana salaka selemɔnyi yele la diɔtɔnganelo l’ɛdiɛngɛ etena kasakɛnde ko kana nde kambaka l’ekanga?

 5. Onde lambɔkɔmɔ efula l’ɔtɛ wa yoonge yami ya demba? Bible tolaka ɔnɛ: “Ekanelo kanyu k’ɔlɔlɔ keyame le anto tshɛ.” (Filipɛ 4:5) Ekanelo ka yimba k’ɔlɔlɔ ayokokimanyiya dia ndeka ndjasha lo “akambo woleki ohomba,” ɛnyɛlɔ oko akambo wa lo nyuma.​—Filipɛ 1:10; Mateo 5:3.