Morago ga go etela dikago tsa Basupi ba ga Jehofa tsa kwa United States, banyalani bangwe ba kwa setlhaketlhakeng sa Vanuatu ba ile ba re: “Ga re kitla re tsamaya re lebala loeto la rona la kwa Bethele.” Batho ba le bantsi ba ba etelang dikago tseno ngwaga le ngwaga le bone ba ikutlwa ka tsela e e tshwanang.

A o kile wa etela dikago tsa Bethele ya kwa United States? Fa o ise o dire jalo, o sa ntse o ka kgona.

Ntlokgolo ya Basupi ba ga Jehofa Kwa Warwick, New York. O ka bona dimusiamo tse tharo tse o kgonang go itsamaisa mo go tsone. Musiamo o o bidiwang “Baebele le Leina la Modimo” o na le Dibaebele tse di farologaneng tsa bogologolo tse di tlhagisang leina la Modimo. Musiamo wa “Batho ba Leina la ga Jehofa,” o bua ka hisitori ya Basupi ba ga Jehofa. Musiamo wa “Ntlokgolo ya Lefatshe Lotlhe—Tumelo ka Ditiro” o tlhalosa thulaganyo e Basupi ba ga Jehofa ba nang le yone ya go kopana mmogo, go ithuta Baebele, go rerela batho le ditsela tse ba bontshanang lorato ka tsone. Gape o ka tlhopha go ya go bona Diofisi Tsa Tirelo le go bona mafelo a mangwe mo Warwick, mme loeto lono lo tsaya metsotso e le 20.

Lefelo la Thuto la Watchtower Kwa Patterson, New York. Tsaya loeto mme o bone dikolo tse di farologaneng tse di jaaka Sekolo sa Baebele sa Watchtower sa Gileade ga mmogo le Sekolo sa Maloko a Komiti ya Lekala le Basadi ba Bone. Gape o tla bona ditshwantsho le dibidio tse di tlhalosang tiro e e dirwang mo ofising ya Botaki le mo Lefapheng la go Gatisa Mantswe le Dibidio.

Go Printa le go Romela Dikgatiso, Kwa Wallkill, New York. Go na le motho yo o tla lo bontshang kafa Dibaebele le dikgatiso tse di theilweng mo Baebeleng di printiwang le go kopanngwang ka teng gore di romelwe kwa diphuthegong tsa United States, Caribbean le kwa dikarolong tse dingwe tsa lefatshe.

Pele o dira dithulaganyo tsa go etela dikago tseno, tsweetswee tsenya kopo mo tsebeng e e buang ka Diofisi le Maeto mo website eno. Go na le tshedimosetso e e go tlhalosetsang ka Bethele le gore go tla go tsaya lobaka lo lo kae go bona dikago tse di farologaneng le diaterese tsa tsone.

Batho ba ba berekang mo mafapheng a a farologaneng kwa Bethele ke bone ba kaelang baeng. Ba tsaya seno e le go ema nokeng tiro ya go ruta batho Baebele e e dirwang mo lefatsheng lotlhe. Go dirisiwa dipuo tse di farologaneng go tlhalosetsa baeng ka mafelo ano.

Ke mahala.

Nnyaa. Bontsi jwa batho ba ba etang ga se Basupi. O ka tswa o le mosupi kgotsa o se ene, o na le tshono ya go itse ka dithulaganyo tsa go tshegetsa tiro ya lefatshe lotlhe ya Basupi ba ga Jehofa.

Mosadi mongwe wa Momoseleme wa kwa India o ne a bua jaana fa a sena go etela kwa Patterson: “Ke eletsa go nna mo lefelong leno. Ke lo leboga tota go bo lo ntlotla mo go kana kana.”

Ee! Bana ba ka amiwa thata ke go bona lefelo leno. John wa kwa United States o ne a re: “Fa e sa le re boile go tswa Bethele, bana ba ba neng ba le mo setlhopheng sa rona ga ba fetse go bua ka loeto lo re neng ra lo tsaya. Pele, ba ne ba sa tlhaloganye gore go dirwang kwa Bethele, jaanong ba batla go ya go direla teng.”

Ee. O ka kgona go eta mo dinageng di le dintsi tota. Fa o batla go bona mafelo a mangwe, tsena mo karolong ya Diofisi le Maeto. Re go laletsa gore o etele nngwe ya diofisi tsa Basupi ba ga Jehofa.