Segopotso sa Loso Lwa ga Jesu
Lamatlhatso, April 12, 2025
Basupi ba ga Jehofa ba kopana gangwe ka ngwaga go gopola loso lwa ga Jesu, fela jaaka a ile a laela a re: “Nnang lo dire seno e le go nkgopola.”—Luke 22:19.
Re go laletsa gore o nne gone mo tiragalong eno.
Dipotso Tse Gantsi di Bodiwang
Thulaganyo eno e tsaya lobaka lo lo kae?
Thulaganyo eno e tla tsaya ura fela.
E tla tshwarelwa kae?
Go itse karabo ya potso eno, bua le Basupi ba ga Jehofa ba ba mo lefelong la lona.
A go tsenwa ka madi?
Nnyaa, ke mahala.
A go ntshiwa koleke?
Nnyaa.
Go aparwa jang?
Le fa gone go se na tsela nngwe e e rileng e o tshwanetseng go apara ka yone fa o tla tiragalong eno, Basupi ba ga Jehofa ba leka go latela kgakololo ya Baebele ya gore ba apare ka tsela e e bori kgotsa e e boingotlo le e e bontshang tlotlo. (1 Timotheo 2:9) Ga o tlhoke go apara diaparo tse di turang.
Go tla diragala eng kwa Segopotsong?
Pokano eno e simolola le go konela ka go opela le thapelo mme thapelo eo e tla dirwa ke motlhanka mongwe wa Basupi wa ga Jehofa. Go tla nna le puo e e theilweng mo Baebeleng e e tla tlotlang ka botlhokwa jwa loso lwa ga Jesu le gore se Modimo le Keresete ba re diretseng sone se re solegela molemo jang.
Go bona dintlha tse di oketsegileng, bala setlhogo se se reng “Goreng Basupi ba ga Jehofa ba Tshwara Selalelo ka Tsela e e Farologaneng le ya Madumedi a Mangwe?”
Segopotso se tla tshwarwa leng gape?
2025: Lamatlhatso, April 12
2026: Labone, April 2
Tse Dingwe Tse O ka Di Kgatlhegelang
SEGOPOTSO
Gopola Loso Lwa ga Jesu
Re go laletsa ka lorato gore le wena o tle tiragalong eno ya botlhokwatlhokwa. O tla ithuta gore botshelo le loso lwa ga Jesu di ka go solegela molemo jang.
DITHUTO TSA BOTLHOKWA TSA BAEBELE
Goreng Jesu a Ile a Swa?
Loso lwa ga Jesu Keresete lo botlhokwa thata. A o ne a tlhoka go swa?