Basupi ba ga Jehofa ba thusa badumedi ka bone le batho ba bangwe ba ba amilweng ke melelo e e neng ya runya mme ya senya karolo e e kgolo ya naga ya Chile. Puso ya re ke la ntlha go nna le melelo e e ntseng jaana e e nang le dibeke di le pedi e ntse e le gone.

Ofisi ya lekala la Basupi ba ga Jehofa ya kwa Chile ya re ga go na Mosupi ope yo o gobetseng kgotsa yo o tlhokafetseng. Basupi bangwe ba ne ba tshwanelwa ke go tswa mo magaeng a bone ba ye go nna le Basupi ba bangwe.

Matlo a le matlhano a Basupi ba ga Jehofa a ile a jewa ke molelo. Ofisi ya lekala e ile ya rulaganya komiti ya namolo gore e ye go sekaseka maemo go bona kwa e ka thusang gone.

Setlhopha se se Laolang se rulaganya tiro ya namolo go tswa kwa ntlokgolong ya lefatshe lotlhe se dirisa meneelo e e ntshiwang go tshegetsa tiro ya rona.

Media Contacts:

International: David A. Semonian, Office of Public Information, +1-845-524-3000

Chile: Jason Reed, +56-2-2428-2600