Basupi ba ga Jehofa kwa Democratic Republic of the Congo ba ntse ba tsweletse ka go thusa Bakeresete ka bone le batho ba bangwe ba ba ileng ba nna batswasetlhabelo ba merwalela e e ileng ya direga kwa motseng wa Boma, o o dikilometara di ka nna 470 go tswa kwa borwa jwa Kinshasa, ka beke ya December 26.

Malapa a le 39 a Basupi a ile a amiwa ke merwalela eo mme Mosupi a le mongwe o ile a tlhokafala. Mo godimo ga moo, matlo a le matlhano a Basupi a ile a phutlhama mme a mangwe a le matlhano ga a ka a senyega thata.

Ofisi ya lekala la Basupi ba ga Jehofa kwa Congo e ile ya romelela Basupi ba koo dijo le diaparo le go ba thusa ka dilo tse ba di tlhokang. Basupi ba metse ya Matadi le ya Muanda e e dikilometara di ka nna 80 go tswa kwa Boma ba ile ba ithaopela go ya go thusa baobamedimmogo le bone.

Setlhopha se se Laolang sa Basupi ba ga Jehofa se se kwa ntlokgolong e e kwa Warwick, New York se dirisa meneelo ya tiro ya lefatshe lotlhe go rulaganya tiro ya namolo e e dirwang kwa Congo.

Media Contacts:

International: David A. Semonian, Office of Public Information, +1-845-524-3000

Democratic Republic of the Congo: Robert Elongo, +243-81-555-1000