Basupi ba ga Jehofa ba thusa batho ba ba ileng ba welwa ke masetlapelo fa thoromo ya lefatshe e ne e itaya karolo e e kwa bophirima jwa Guatemala gaufi le molelwane wa Mexico ka Laboraro, June 14, 2017. Go ya ka dipego tsa dikgang, go ile ga tlhokafala batho ba le tlhano.

Ga go na Mosupi ope yo o tlhokafetseng kgotsa yo o gobetseng. Mme gone, matlo a le 17 go akaretsa le mafelo a le 11 a Basupi ba kopanelang mo go one, a ile a senyega. Ofisi ya Basupi ba ga Jehofa e e mo toropong ya Mexico e tlhomile dikomiti di le tharo tse di tla sekasekang maemo a kwa Guatemala le go romela dilo tse di tlhokegang.

Setlhopha se se Laolang sa Basupi ba ga Jehofa se rulaganya tiro ya namolo go tswa kwa ntlokgolong se dirisa meneelo e e ntshiwang go tshegetsa tiro e e dirwang mo lefatsheng lotlhe ya go ruta batho Baebele.

Babegadikgang ba ka Ikgolaganya le:

Kwa Ntlokgolong: David A. Semonian wa Ofisi ya Tshedimosetso mo nomorong ya +1-845-524-3000

Kwa Mexico: Gamaliel Camarillo mo nomorong ya +52-555-133-3048

Kwa Guatemala: Juan Carlos Rodas mo nomorong ya +502-5967-6015