Ka January 18, 2017, badiredi ba Komiti ya Tshireletsego ya Setšhaba ya Kazakhstan ba ile ba tshwara Teymur Akhmedov mme ba mo isa kgolegelong ka gonne a ne a bua le batho ka bodumedi jwa gagwe. Ka May le June 2016, banna ba le supa ba ne ba kopa Teymur gore a tle kwa foleteng ya bone go tla go ba tlhalosetsa ka dilo tse Basupi ba ga Jehofa ba di dumelang. Fa nako e ntse e ya, ba ile ba ya go tshwarela metlotlo ya bone kwa ntlong ya ga Teymur. Nako eno yotlhe banna bano ba ba neng ba itira e kete ba batla go ithuta Baebele ba ne ba rekota metlotlo eno mo sephiring.

Le fa go ne go se na sepe se se phoso ka metlotlo eo, Teymur o ile a latofadiwa ka gore o “lotlhaganya madumedi” e bile o “dira gore batho ba akanye gore [bodumedi jwa gagwe] bo botoka go na le a mangwe.” O na le malatsi a le 60 a letile mo kgolegelong mme fa a ka bonwa molato, o ka nna a ya go fetsa dingwaga di le tlhano go ya go di le lesome mo kgolegelong.

Teymur ke monna yo o nyetseng wa dingwaga di le 60 mme o a lwala. Babueledi ba gagwe ba lebeletse gore kgotlatshekelo e tla reetsa boikuelo jwa gagwe ka beke ya January 23, 2017.