APRIL 11, 2018
Kazakhstan
Teymur Akhmedov o Golotswe Kwa Kgolegelong ya Kwa Kazakhstan ka April 4, 2018
Ka April 4, 2018, poresidente ya Kazakhstan e bong Nursultan Nazarbayev, o ile a itshwarela le go golola Teymur Akhmedov kwa kgolegelong. Ka March 27, 2018, balaodi ba puso ba ile ba letla Mokaulengwe Akhmedov gore a ye go alafiwa kwa bookelong jwa kwa Almaty. Gone jaanong, o sa ntse a le kwa bookelong joo.
Mokaulengwe Akhmedov yo o nang le dingwaga di le 62, o isitswe kgolegelong ka January 18, 2017 ka ntlha ya se a se dumelang. O itumeletse go kopana le lelapa la gagwe gape.
Rotlhe re itumelela go bo Jehofa a ile a golola motlhanka wa gagwe yo o ikanyegang.—2 Samuele 22:2.
Tse Dingwe Tse O ka Di Kgatlhegelang
DIKGANG
Kazakhstan e Atlhola Mosupi wa ga Jehofa yo o Lwalang Le go Mo Thibela go Direla Modimo
Teymur Akhmedov yo o nang le mosadi le bana ba basimane ba le bararo o atlholetswe dingwaga di le tlhano mo kgolegelong ka gonne a ne a ruta batho Baebele.