MEXICO CITY—Basupi ba ga Jehofa ba ne ba lalediwa gore ba nne le seabe kwa Pontshong ya Boditšhabatšhaba ya Dibuka ya Kwa Guadalajara e leng pontsho e kgolo go gaisa ya dinaga tse di buang Se-Spain le ya bobedi e kgolo morago ga Pontsho ya Dibuka ya Kwa Frankfurt, Jeremane. Tiragalo eno e ne e tshwaretswe kwa Guadalajara, Mexico go tloga ka November 28 go fitlha ka December 6, 2014 mme batho ba feta 760 000 ba ne ba nna gone.

Kwa tiragalong eno, go ne go na le bagatisi ba bangwe ba ka nna 1 900 ba ba tswang kwa dinageng di le 44, mme Basupi ba ga Jehofa ba ne ba nna le seabe mo tiragalong eno ka go bontsha Dibaebele le dikgatiso tse di theilweng mo Baebeleng, go akaretsa dibuka tse di buang ka lelapa, basha le bana.

Mmueledi wa Basupi ba ga Jehofa kwa Mexico e bong Gamaliel Camarillo, a re: “Mo malatsing a le manè a fa re ntse re bontsha dikgatiso, go ne ga tla batho ba feta 10 000 mme ra ba abela dikgatiso di ka nna 29 000 mahala. Le fa go ntse jalo, mokgele wa rona ga se go anamisa dikgatiso fela. Dimakasine tsa rona le dibuka di diretswe go tlhomolola kgang ya gore kgakololo ya Baebele e mosola e bile e solegela batho ba le dimilione molemo letsatsi le letsatsi.”

Media Contact(s):

International: J. R. Brown, Office of Public Information, tel. +1 718 560 5000

Mexico: Gamaliel Camarillo, tel. +52 555 133 3048