NEW YORK—Letsatsi la boraro la kgetsi eno le wetse mme Kgotlatshekelo ya Makgaolakgang e kopile gore kgetsi eno e boele gape ka Laboraro, April 12, 2017, ka ura ya bolesome mo mosong. Gompieno Kgotlatshekelo e utlwile bosupi jwa Basupi ba ga Jehofa ba banê ba ba neng ba le kgatlhanong le kopo ya Lefapha la Tshiamiso ya gore Ofisi ya Lekala la Basupi ba ga Jehofa Kwa Russia e tswalwe le gore tiro ya bone e thibelwe.

Moatlhodi o ile a kopa Lefapha la Tshiamiso gore le ntshe bosupi jo bo tshegetsang ditatofatso tsa bone tsa gore Basupi ba ga Jehofa ba kotsi mo setšhabeng le gore ba naya batho dikgatiso tse di rotloetsang borukhutlhi. Lefapha la Tshiamiso le ile la palelwa ke go ntsha bosupi joo. Vasiliy Kalin yo e leng leloko la komiti e e okametseng Ofisi ya Lekala la Basupi ba ga Jehofa kwa Russia o ne a bua jaana fa a tlhalosetsa Kgotlatshekelo maikutlo a gagwe: “Basupi ba ga Jehofa ba eleletsa ba Lefapha la Tshiamiso dilo tse di molemo mo botshelong mme kopo e ba e dirang ya gore Basupi ba thibelwe e ka ba utlwisa botlhoko tota.”

Babegadikgang ba ka Ikgolaganya le:

Kwa ntlokgolong: David A. Semonian, mo Ofising ya Tshedimosetso mo nomorong ya +1-845-524-3000

Kwa Russia: Yaroslav Sivulskiy, mo nomorong ya +7-911-087-8009