Kgotlatshekelo ya Toropo ya Vyborg e tla reetsa kgetsi gape ka August 9, 2017.

Ka July 28, 2017, Kgotlatshekelo ya Toropo ya Vyborg e tla tswelela ka go reetsa kgetsi e e kgatlhanong le Baebele ya Thanolo ya Lefatshe le Lesha ya Dikwalo Tse di Boitshepo, e e gatisitsweng ke Basupi ba ga Jehofa ka puo ya Se-Russia. Kgetsi eno e ne ya reediwa la bofelo ka April 2016 fa moatlhodi a ne a letla mosekisi gore a ye go batla batho ba ba ka tlhatlhobang Baebele eno gore ba netefatse gore e kotsi mo setšhabeng.

Tlhatlhobo eno e ne ya wediwa ka June 22, 2017, mme go ne ga twe Baebele ya Thanolo ya Lefatshe le Lesha e kotsi mo setšhabeng le gore “ga se Baebele.” Molao wa naga o o lwantshang borukutlhi, o kgatlhanong le gore go twe dilo tsa Modimo di kotsi mo setšhabeng, ka jalo ba dirisa molao oo ka tsela e e sa siamang. Gape ba re ba dirile dipatlisiso tseo go ya kafa go sekasekiwang dikgatiso tsa bodumedi ka gone. Ba ba neng ba dira ditlhatlhobo tseo ba re Baebele ya Thanolo ya Lefatshe le Lesha ga e a ranola leina la Modimo e bong “Jehofa” sentle le gore Basupi ba dirile gore Baebele eno e dumalane le dilo tse bone ba di dumelang.