NEW YORK—Ka May 31, 2017, kwa moletlong o o neng o tshwaretswe kwa Kremlin kwa Moscow, Poresidente ya kwa Russia e bong Vladimir Putin o ile a naya Basupi ba ga Jehofa ba ba tswang kwa Karelia e bong Valeriy le Tatiana Novik sekgele. Batsadi bano ba neilwe sekgele seno ka gonne ba kgonne go godisa bana ba le robedi.

Thulaganyo ya go naya batsadi sekgele seno e simolotswe ke poresidente ka May 2008. Russia e ntsha sekgele seno e se naya batsadi ba ba kgonneng go godisa bana ba le supa kgotsa go feta e bile ba tlhokometse botsogo jwa bone, ba ba tsentse dikolo le go ba thusa gore ba nne batho ba ba nang le maikarabelo. Batsadi ba ba newang sekgele seno ba tlhoma sekao se se molemo sa go tlhokomela lelapa.

David A. Semonian yo e leng mmueledi wa Basupi ba ga Jehofa kwa ntlokgolong ya Basupi a re: “Sekgele seno se bontsha gore tiro e batsadi ba Basupi ba ga Jehofa ba e dirang ya go ruta bana ba bone Baebele, e thusa bana bano gore ba nne baagi ba ba siameng, e seng fela mo Russia mme mo lefatsheng lotlhe. Re solofela gore ka July 17, 2017, Kgotlatshekelo ya Makgaolakgang ya Russia e tla akanyetsa sekgele seno se re se neilweng ke Poresidente Putin fa e sekaseka tshwetso ya go tswala Ofisi ya Basupi ba ga Jehofa kwa Russia.”

Babegadikgang ba ka Ikgolaganya le:

David A. Semonian mo Ofising ya Tshedimosetso mo nomorong ya +1-845-524-3000