Ka February 2018, dipula tse di maatla le kapoko e e gakologang di ile tsa baka merwalela kwa mafelong mangwe a kwa United States. Bakaulengwe le bokgaitsadi ba rona ba kwa Illinois, Indiana, Kentucky, Michigan, Ohio le Tennessee ba ile ba amiwa ke merwalela eno.

Ofisi ya lekala la United States ya re Basupi ba le 20 go tswa kwa mafelong a a farologaneng ba ile ba tshwanelwa ke go tswa mo magaeng a bone. Ka maswabi mongwe wa bokgaitsadi ba rona wa kwa Indiana o ile a bolawa ke merwalela. Matlo a le 57 a bakaulengwe le bokgaitsadi ba rona a ile a senyega.

Balebedi ba potologo ba ba mo mafelong ano ba ntse ba gomotsa Basupi ba ba wetsweng ke masetlapelo ano. Re rapelela bakaulengwe le bokgaitsadi ba rona e bile re a itse gore Jehofa o tla ba thusa gore ba se ka ba tlhobaela thata.—1 Petere 5:7.

Babegadikgang ba ka Ikgolaganya le:

David A. Semonian wa Ofisi ya Tshedimosetso mo nomorong ya +1-845-524-3000