Baganetsi ba ga Jesu ba ne ba mo latofatsa ka gore o itekanya le Modimo. (Johane 5:18; 10:30-33) Le fa go ntse jalo, Jesu ga a ise a ko a re o lekana le Modimo Mothatayotlhe. O ile a re: “Rara o mogolo bogolo go nna.”​—Johane 14:28.

 Balatedi ba bogologolo ba ga Jesu ga ba ise ba ko ba mo tseye a lekana le Modimo Mothatayotlhe. Ka sekai, moaposetoloi Paulo o ile a kwala a tlhalosa gore fa Jesu a sena go tsosiwa mo baswing, “Modimo o ne a mo [Jesu] godisetsa kwa boemong jo bo kwa godimo.” Ga go pelaelo gore Paulo o ne a sa dumele gore Jesu ke Modimo Mothatayotlhe. Fa go ne go le jalo, Modimo o ne a ka godisetsa Jesu jang kwa boemong jo bo kwa godimo?​—Bafilipi 2:9.